Luk 12:20 - DAWAN BÎLA AISKA

²⁰ Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

Luk 12:20 ပူးပေါင်းရင်းမြစ်များ

Ester 5:11

bara Amán ba ai dukia kukanka tara bri ba, bara ai luhpia ailalka nani ba dukiara, bara baku sin diara nani ailal ba purara king mita tara pali kulkan ba, bara wihta nani purkara sin mangkan ba, naha dukia nani aiska ba dukiara aisi kan.

Job 27:8

¿Upla saurakira ba dîa briaia bîla kaikisa ki, Gâd bui rayaka ba sâkbia piua ra?

Lawana Nani 39:6

¡Upla sut ba dista kum bal lui baku luisa! Diara ailal kuki ba, witin ra hilp apia sa, dukia nani ba ya bribia sapa nu âpu.

Lawana Nani 49:10

Kan yawan kaikisa upla sut ba pruaia sa, sinskira nani bara sinskas nani ba sin pruisa; bara ai yuyaka ba upla wala nani brisa.

Lawana Nani 73:19

¡Witin nani ba, wan nakra klipan baku sauhki tikma! ¡Sibrin ba bui âpu daukbia!

Lawana Nani 78:30

Baha pata sut pin kau ai bîla ra bri kan, sakuna kau âuyapah takras kan;

Sins Lâka 10:2

Wan yuyaka nani lâ watawi mita kukan ba, wan hilpka kabia apia sa, sakuna kasakka lâka lika, prura wina wan dakbi wan sakisa.

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Sins Lâka 13:7

Upla tila yuyakira kaia munisa, sakuna diara sut luha sa; upla tila sin umpira baku pulisa, sakuna yuya ailal brisa.

Sins Lâka 27:1

Yauhka ba dukiara mamyunpara; baha yua ra dîa takbia sapa man kaikras bamna.

Sins Lâka 28:8

Ya ai yuyaka ailal dauki brisa kaka, lin muni pura praki diara bri ba mita, upla umpira nani ra yamni muni ba, uplika nani ra yaia kukisa.

Aiseya 56:12

Witin nani wisa: “Kaisa yawan wain pliki diaia, wain karna pain ba di bla takaia. Yauhka yua ba sin, naiwa na baku kaia, apia kaka yauhka kau di lilia kaia.”

Jirimaya 17:11

Kasak lâka dauki wina apia yuyakira taki uplika ba, daiwan tnawira kum tnawira wala âpan ba purara bawi luhpa baiki ba baku sa. Kau ai karnika aiska ban bri bara ai yuyaka nani ba sut lulki swibia bara tisku upla sinskas kum taki bâra kabia.

Emus 6:13

Man nani diara bahki kum daukram, bara mamyuni liliam taki wisma: “Yang nani karniki tara brisna ba mita pura lui karnika alkisna.”

Nahum 1:10

Witin nani ba, kiaya dusa nani sisitni pâwan baku, bara sin twi lâwan baku sin aiska pali ambia.

Luk 11:40

¡Taniskira nani! ¿Man nani kaikras sma ki, witinka lata tani daukan ba, kupia bîla tani sin daukan sa?

1 Tesalonaika 5:3

Upla nani bila “Diara sut ba sâpkira bara trabil kumi sin âpu sa” aisi kabia ba ra, bâra mika ban wina sauhki tikaia lâka ba witin nani purara balbia. Baha ba lika sim mairin kwihra aisubaia piua aimakan latwanka nani bri ba baku kabia; bara witin nani sip swak takbia apia.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

1 Timoti 6:7

¿Yawan na naha tasba ra dîa bri balan ki? Diara kumi sin bri balras. Bara, ¿tasba wina yawan dîa brih waia sip sa ki? Diara kumi sin sip brih waras.

Jems 4:14

sakuna man nani kaikras sma yauhka ba dîa takbia sapa. ¿Bara upla rayaka ba, dîa sa ki? Mukus kum wiria man taki si, ba wina lap tiwi ba baku sa.