Luk 12:19 - DAWAN BÎLA AISKA

¹⁹ Baku bamna, yang kupi ra wimna: Upliki, diara manis pali suni swiram sa mani ailal praiska; bamna ris pain bris, plun pis, diara dis bara liliam bas.’

Luk 12:19 ပူးပေါင်းရင်းမြစ်များ

Job 14:1

Mairin wina aisubi takan uplika bani ba, rayaka kunhku brisa, pât dimaia lamara ban sa.

Lawana Nani 49:18

Witin raya iwi bara lilia âmyapah iwi kabia kra, bara upla sin mayuni kabia yuya brisma ba mita.

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Sins Lâka 10:2

Wan yuyaka nani lâ watawi mita kukan ba, wan hilpka kabia apia sa, sakuna kasakka lâka lika, prura wina wan dakbi wan sakisa.

Sins Lâka 14:24

Sinskira nani kraunka ba sika sinska lâka ba, sakuna sinskas nani dukia ba lika ai sinskaska lâka nani ba.

Sins Lâka 18:11

Lalahkira ba lukisa ai dukia kukanka nani ba, ai kan kahbaika tawanka tara kum kutbi purara sunan sa.

Sins Lâka 23:5

Pain laki kaikma kaka, man kaikma yuya tara ba âpu sa, bara aihni pali auya, yakal baku ai tnawa pat takan baku.

Sins Lâka 27:1

Yauhka ba dukiara mamyunpara; baha yua ra dîa takbia sapa man kaikras bamna.

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Smasmalkra 2:24

Upla ba diara kau yamni daukaia ba sika piaia bara diaia, bara ai rayaka ba lilia daukbia ai warkka mâ nani ba wal, baku sin kaikri, naha ba Gâd mihta wina sa.

Aiseya 22:13

Sakuna nanara, kaiks, lilia lâka baman sa, bîp nani ikaia, baku sin sîp nani, wîna piaia, wain diaia. Man nani aisaram: “Yawan nani plun pi kap bara sin di kap, kan yauhka yawan sut prubia bamna.”

Aiseya 5:11

Alai kabia baha nani titan kat ba ingwi ba bla takaia dukiara, bara wain laptika ba, tihmia kat ban sa.

Aiseya 5:8

¡Man nani saura pali kama, utla nani atki kau atkisma ba, insla nani brisma kuna kau pura prakisma, upla wala dukia swiras, man nani baman tasbaya na ra iwisma baku!

Aiseya 56:12

Witin nani wisa: “Kaisa yawan wain pliki diaia, wain karna pain ba di bla takaia. Yauhka yua ba sin, naiwa na baku kaia, apia kaka yauhka kau di lilia kaia.”

Oseas 12:8

Efraín aisisa: ‘¡Âu, yang yuyakira takri, kan yang sans pain pali kum wal prawri; sakuna upla kumi sin sip daihra aisabia apia naha dukia nani brisna na saura dauki natka bâk saki briri!’

Emus 6:13

Man nani diara bahki kum daukram, bara mamyuni liliam taki wisma: “Yang nani karniki tara brisna ba mita pura lui karnika alkisna.”

Abakuk 1:16

Baha mita inska âialkra nani ba inska alkaia dukia nani bri ba, baha dukia nani ra mayunisa, kîa yamni daukaia dukia nani angki, pain kulkan lâka dauki yabisa, baha dukia nani ra ai pura suni tingki wisa, kan baha dukia nani ba wina, witin nani ai pata ailal pali saki pîsa bamna.

Luk 12:18

Bamna naku lukan: ‘Yang pat kaikisna dîa daukamna ba. Pati mâ nani auhbaia watla nani ba slingbamna bara watla nani kau tara daukamna, bara bahara pati mâ nani bara dîa dîa brisna ba sut auhbamna.

Luk 16:19

“Yuyakira waitna kum bâra kan, witin kwala painkira nani baman dimi kan, bara yu bani lilia dauki, ai prana ra iwi kata.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

1 Korint 15:32

Upla lâka natka ra, Epesus ra yang daiwan kraskira nani aikuki aiklabri; ¿sakuna baha wal dîa win takri ki? Pruan nani kli buaia apia ba kasak kaka, yawan sip sa aisanka kum aisi ba baku wiaia: “Yawan plun pibia bara dibia, kan yauhka titan yawan prubia bamna.”

Pilipai 3:19

piua tnata ra, naha nani sut sauhki tikan kabia. Witin nani gâdka lika ai wîna brinka nani, bara ai swira briaia dukia nani ba watlika ra, kalwi banhwisa. Witin nani ba naha tasba dukia nani ra baman lukisa.

1 Timoti 5:6

Sakuna ani piarkika ai wîna brinka ra iwi nani ba, witin ba raya kabia kuna pat pruan baku sa.

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

2 Timoti 3:4

Upla nani ra kunin muni pât ra dingki kabia, ai kupia lukras diara dauki kabia, prautkira nani kabia; Gâd ra plikaia ba watlika ra, ai wîna brinka nani pliki kabia.

Jems 5:5

Naha tasba ra man nani prana bara tasba dukia pain baman bri kapram, bara daiwan baku batanwisma. Ikaia yua ba aimakan sa.

1 Pita 4:3

Kan piua nani ailal luan ra idan nani dîa daukan ba, sim dukia man nani dauki kapram, baku bamna saura daukaia laik taki ba ra iwi kapram, brinka saura nani ra, bla lâka ra bara pata pira binka nani ra, diranka kum ailal pali, bara aidul tâski nani ra sakahkram.

Param Marikanka 18:7

Witin ai wîna ra aimayuni ai liliaka tanis brin ba baku, sim daukan ba mana kat yas, witin ra latwan bara rausauhkan sin yas. Kan witin ai kupia ra wisa: ‘Yang lika nahara kwin mairin baku iwisna; piarka apia sni, latwan sin wahwamna apia.’

1 Samuil 30:16

Bara âimplikra nani bâra kan ba kat brih wan, witin nani twi mawan âpu yakabrira plun pi bara di banhwi kan, filisteo bara Juda tasbaya wina diara nani implikan ba ai lilia bri banhwi kan.