Luk 11:9 - DAWAN BÎLA AISKA

⁹ Baku bamna, yang bui man nani ra mai wisna: Makabi bas, bara Gâd mita maikbia; pliki bas, bara sâkma; dur ra kingbi bas, bara man nani ra kwâkan kabia.

Luk 11:9 ပူးပေါင်းရင်းမြစ်များ

Lawana Nani 118:5

Yang bui Dawan ra winri, trabil pali ra katna ba ra; witin bui yang ra walan bara ai dakbi ai sakan.

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Lawana Nani 27:8

Kupi ai wisa: “Dawan mawan kaikaia pliki bas.” Bara yang, Dawan, man mamwan kaikaia plikisna.

Lawana Nani 34:10

Diara ailal bri nani ba, kli diara âpu takisa, bara witin nani plun wahwisa, sakuna baha nani Dawan pliki ba, diara kumi sin luha kabia apia.

Lawana Nani 34:4

Yang Dawan ra plikri, bara witin bui yang ra ai walan, bara pana yang ra aisin, yang sibrinki nani sut wina pri ai sakan.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Yamni Kulki Lawana 5:6

Laitwankira waitna ra yang durka sakri, kuna laitwankira ba witin bâra âpu kan. Witin ba plikri, kuna sip sakras katna; witin ra winri, sakuna yang ra pana ai aisaras kata.

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Jirimaya 29:12

Baha daukamna bara man nani bui yang ra winma, puram sunra yang ra wabia bara yang bui man nani ra walamna.

Jirimaya 33:3

Yang ra ai wins bara pana mai aisamna, diara tânka tara nani dahra prakan tânka nani ba, man tânka briras sma ba mamrikamni.

Daniel 9:3

Bamna puri sunra bara makabanki ba sut, Dawan wan Gâdka ra aisari, plun piras, kwala almuk saura dimi, yamhpus ra sin iwi.

Matiu 21:22

Bara man nani kasak luki puram sunra ra makama ba, sut brima.

Matiu 21:31

¿Wâl ba wina ani ba ai aisa want kan ba kat daukan? —Witin nani pana win: —Pas ba. Bara Jisas witin nani ra win: —Man nani ra kasak pali mai wisna, lal mana saki Rom ra yabi nani ba, bara rug mairin nani ba sin man nani kainamra Gâd king aimaki tasbaya ra dimbia.

Matiu 6:29

Sakuna man nani ra mai wisna: King Salaman pali sin ai prana wal, naha tangni nani baku kwala painkira âpu kan.

Mark 11:24

Baha mita mai wisna: Dîa dîa man nani pura sunra ra makama kaka, bara pat briram wisi kasak lukma kaka, baku takbia.

Mark 13:37

Man nani ra mai wisna na, yang bui upla sut ra wisna: ¡Man nani aihwaki bas!”

Luk 11:10

Kan ya makabi ba, brisa; bara ya pliki ba, sakisa; bara dur ra kingbi ba ra sin, kwâkan sa.

Jan 14:13

Diara sut man nani bui yang nini mâki makama ba, yang daukamna, bara baku mika Luhpia ba mita Aisa prana ba marikbia.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Jan 15:7

“Man nani ba yang wal asla ban sma kaka, bara dîa mai smalkri ba sin âmya tikras sma kaka, dîa dîa want sma ba makas, bara maikan kabia.

Jan 4:10

Bara Jisas pana win: —Gâd diara yabi ba kaikram kata, bara ya sin man ra lî makabi ba, kasak pali mai wisna man bui witin ra lî makabaia kapram; bara witin mita lî rayakira ba maikbia.

Roman 2:7

Gâd mita raya ban kaia lâka yabia, ani uplika nani wark painkira daukisa, bara mayunra, pain kulkan lâka wal pliki ba;

2 Korint 6:2

Kan witin Ulbanka ra naku wisa: “Piua pain pali kum ra yang mai walri; swaki sakan lâka yua ra hilp mai munri.” Bara nanara sika piua pain pali ba, bara nanara sika swaki sakan lâka yua.

Hibru Nani 11:6

Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.

Hibru Nani 4:16

Baha mita, kaisa yawan wan kupia brih, wan Gâdka latwankira king iwaika lamara waia. Bahara yawan umpira kaikan lâka bribia, bara witin ai kupia yamnika ba mita, yawan hilp want awarka ra witin hilp wankbia.

Jems 1:5

Man nani tilamra ya sins lâka luha sa kaka, Gâd ra makabia, bara Gâd mita yabia; kan witin sika ai kupia aiska ni upla sut ra yabisa, swira sin daukras kira.

Jems 5:15

Bara witin nani kasak luki ai pura sunbia ba ra, siknis uplika ba rawbia, bara Dawan mita witin ra bukbia; bara saurka nani daukan kaka, sut swih tikan kabia.

1 Jan 3:22

bara dîa dîa witin ra makabia ba wankbia, kan yawan ai lâka bîla ba wali daukisa, bara witin dîa pain kaiki ba sin daukisa.

Param Marikanka 2:24

Sakuna man nani Tiatira ra sma ba, baha nani smalkanka nina blikras sma ba, Sitan tânka tihu nani witin nani wi ba baku, man nani lika lan takras. Yang mai wisna man nani puramra lika wirhika wala mangkras sna.