Luk 11:39 - DAWAN BÎLA AISKA

³⁹ Sakuna Dawan bila: —Man nani parisi nani lika kâp bara plit ba nina tani baman sikbisma, sakuna man nani kupiam ra lika implikan lâka bara diara saura ni sin aibanhwan sa.

Luk 11:39 ပူးပေါင်းရင်းမြစ်များ

Blasi Sturka 6:5

Bara Dawan kaikan upla nani watawika lâka ba tara pali kan tasba ra, upla nani ai kupia lukanka ra diara daukaia luki ba lika, kau saura dauki kaia ba baman luki kan.

2 Kronikas 25:2

Amasías daukanka nani ba Dawan mawanra wapni kan, kuna ai kupia aiska wal lika apia kata.

Lawana Nani 22:13

witin nani ai bîla kwâki, layan nani plun wahwi kan ihbi baku yang ra aula.

Sins Lâka 26:23

Silbar ni sumi taya purara lalaubi prakan ba, baku bîla nani swapni painkira aisi ba lika lukanka saura brisa.

Sins Lâka 26:25

Witin ai bîla yamnikira baku aisi ba ra, witin ra kasak lukpara; kan ai lukanka saura lâka ni banhwan sa.

Sins Lâka 30:12

Upla tila sin bâra sa, witin ai nakra nani ra witin ba sunu pali sa, ban sakuna witin nani ai tâskika wina sikbi sakras sa.

Jirimaya 4:14

Jerusalem, saura wina kupiam tâski âpu dauks, baku lika man swak takma. ¿Ahkia kat man nani lamla ra ban diara warha baman luki kaiki kama?

Isikiel 22:25

Kuntri kum tâ wihta nani ba layan baku, diara alkan ba bisbi tikisa; ai tasbaya ra upla nani ba pîsa, ai kukanka ba bara diara apahkan ba implikisa, bara mairin ailal pali piarka swisa.

Isikiel 22:27

Naha tawanka tâ brabrira nani ba yul wail baku sa; diara alkan ba bisbi tikisa, ridi pali sa upla ikaia, ai dukia kukan ba ailal dauki kaia baman lukisa.

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Matiu 15:19

Kan wan kupia wina aula ba lika naha nani: lukanka saura nani, upla ikaia lâka, marit lâka sauhkaia, tâski lâka nani, implikan lâka nani, kunin lâka nani, upla nina ra kunin aisaia lâka nani sin.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Luk 16:15

Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Luk 7:13

Dawan baha kaikan ba ra, piarka mairin ba dukiara ai kupia swapni takan, bara naku win: —Inpara.

Luk 7:19

bara blikan Jisas ra waia makabi walaia: “¿Kraist balaia kan ba baha man sma ki, apia kaka wala kum yang nani bîla kaikaia sna ki?”

Jan 12:6

Judas naha aisin na lika umpira nani ra luki lika apia, kuna witin ba âimplikra kan ba mita, bara baha purkara lalah sakbatka ba twilki kata, bara witin baha sakbatka wina lalah impliki kan.

Jan 13:2

Jisas ai disaipilka nani aikuki tutni pata pi kan ba ra Judas, Saiman Iskariot luhpia ba, Jisas waihla mihta ra mangkaia lukanka ba dibil mita pat kupia ra mangkan kan. Jisas kaikan ai Aisika mita witin ra karnika aiska pali ba yan sa, bara witin sin Gâd wina balan bara kli Gâd ra auya. Bamna Jisas tibil wina bûi, ai pura kwalka ba saki swi si, kwala pîs kum brih ai maisa ra wilkan.

Apastil Nani Sturka 5:3

Bara Pita bui Ananías ra win: —¿Dîa muni swiram Sitan mita man kupiam alkan Spirit Holikira ra kunin munaia, bara tasba atkram lalahka ba wina bakriki briaia?

Galesha 1:14

Ju nani lâka ba kat, yang wal pâwan uplika nani wal, yang kau tâura impaki kapri, kan yang sika damiki nani lâka kau karna dauki main kaiki bri kapri bamna.

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

Taitus 1:15

Ani uplika nani ai sinska klin bri ba mapa ra, diara sut ba klin sa; sakuna kasak lukras uplika nani bara ai sinska sin klin briras ba mapa ra lika, diara kumi sin klin âpu sa, kan witin nani sinska ba bara ai kupia dara walra ba sin tâski baman sa.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!