Luk 11:34 - DAWAN BÎLA AISKA

³⁴ Wan nakra nani ba lika wan wîna tara lampka baku sa; man namkra nani ba pain sa kaka, man wînam tara aiska ingni brisa; sakuna man namkra nani ba saura sa kaka, wînam tara aiska ba tihmu ra sa.

Luk 11:34 ပူးပေါင်းရင်းမြစ်များ

Blasi Sturka 19:11

Bara upla nani latara bâra kan ba sut nakra blain daukan, almuk bara wahma nani ba sin sut blain daukan. Witin nani dur ba kapi pliki kan, sakuna sip sakras, sut swapan kata.

Lawana Nani 119:18

Naikra nani ba ilingks, bara yang diara nani ba kaikamni, man smalkankam aihkakira nani ba.

Lawana Nani 81:12

Ai kupia karnika ba mita ban swiri nina blikaia, bara dîa want ba yâri daukan.

Sins Lâka 21:4

Ai nakra ni praut kaiki ba ai kupia lukra tara sa luki ba, upla watawikira ingnika ba sut, saurka lâka sika.

Sins Lâka 28:22

Upla lalah lalihkra ba, yuyakira takaia aihni munisa, bara naika diara luha takaia ba lika ai dahra walras sa.

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 42:19

Upla kumi sin blain bara kiama prawan wina wala âpu sa yang duki dadaukra, bâk saki briri ba baku, upla wala âpu sa kau blain bara kiama prawan yang bîli twatwilkra Dawan dukia dadaukra ba baku.

Aiseya 44:18

Baha uplika diara nu âpu, tânka sin briras; kan ai nakra nani ba sut blain sa, ai kupia sin baku sa diara tânka briaia.

Aiseya 5:20

¡Man nani ra saura kabia, diara saura ra yamni wisma ba, bara yamni ra saura wisma ba; ingni ba tihmia tara daukisma, bara tihmia tara ba ingni daukisma; tahpla ba damni daukisma, bara damni ba tahpla daukisma!

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Mark 4:12

ai nakra ni kaikbia, sakuna kaikras baku kabia, walbia sakuna sip tânka briras kabia, ai kupia nani lakbia apia, ai saurka nani sin swih tikras kabia.”

Mark 7:22

marit lâka sauhkaia, upla wala dukia brin dauki ba, saura lâka nani, kunin lâka, brinka saura lâka ba, tuman lâka ba, upla nina aisaia, praut lukaia ba, sinskas kaia tânka.

Mark 8:18

¿Namkra ni kaikras, kiamam ni sin walras ki? ¿Kupiam kraukras ki?

Luk 11:35

Aman kaiks, baha ingnika brisma ba tihmu takbiara.

Apastil Nani Sturka 13:11

Bamna kaiks, nanara Dawan mita klala maikbia, bara man nakras kama, wan yu sin kaikma apia, piua kum ba kat. Baha pali piua Elimas nakra tihmia takan bara pliki kan upla kum pan ai mihta ra alki brih wabia, kan blain takan bamna.

Apastil Nani Sturka 2:46

Yu bani witin nani tempel ra asla taki kan, bara utla bani ra asla taki, liliakira ai kupia kumi lâka ra ai pata pi kan.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

2 Korint 11:3

Kuna si brisna piuta ai kuninka ba ni Iv ra kunin munan ba baku, swirka man nani ra sin kunin mai munbia, bara kupiam lukanka kumi ba bara sunu kaia lâka Kraist tani brisma ba sin swima.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

Epesus 1:17

Makabisni wan Dawan Jisas Kraist Gâdka ra, Aisa pranakira ba, witin mita sins lâka spiritka maikbia, bara sip kama witin param takan ba tânka pain kaikaia, bara witin ra sin kau kakaira kaia.

Epesus 6:5

Bara alba nani, man nani naha tasba ra dawankam nani ra bîla wali dauki bas, kulki sin bas, kunin âpu kira dawankam ra sibrin luks, sim wark kum Kraist dukia kan daukisma ba baku.

Kolosi 3:22

Alba nani, naha tasba ra diara sut ra dawankam nani bîla wali dauki bas, witin nani mita mai kaiki ba ra baman lika apia, witin nani wal pain kaia ba tâwan, sakuna Dawan ra sibrin lukisma ba mita, kupiam wina dauki bas kunin âpu pali.