Luk 11:32 - DAWAN BÎLA AISKA

³² Lâ tara piua ra, Ninibi uplika nani sin tit bûi, naha piua uplika nani ra pât ra lulkbia, kan baha nani Jona mita smalkan ba ra, ai saurka nani wina ai kupia lakan; bara nahara na Jona purkara kau tara sa.

Luk 11:32 ပူးပေါင်းရင်းမြစ်များ

Jona 3:5

Tawan ra iwi uplika nani sut, tara nani sirpi nani Gâd ra kasak lukan; witin nani lâ daukan plun piaia apia, ai kupia lakan sari tara alkan tânka marikaia upla sut kwala siksa diman.

Jona 4:9

Sakuna Gâd pana witin ra aisin: —¿Man aitani lukisma ki naha pispiska pruan ba dukiara kupiam baikaia? —¡Âu, yang aitani lukisna! —Jona pana win—. ¡Yang pruamna kat sin aitani lukisna!

Matiu 12:39

Jisas pana witin nani ra win: —Upla watawikira nani kasakka lâka briras nani ba sain aihka kum makabisa, sakuna witin nani ra sain kumi sin marikras kabia, prapit Jona sainka baman lika.

Matiu 12:41

Ninibi tawanka ra iwan uplika nani ba lâ daukaia yua ra, naha piua uplika nani lâka daukbia ba ra, witin nani mita naha uplika nani ra pât ra lakbia, kan Jona mita Gâd sturka Ninibi uplika nani ra smalkan bamna, witin nani ai kupia lakan; sakuna man nani ra mai wisna, nahara diara kum sa Jona purkara kau tara ba.

Luk 11:31

Lâ tara piua ra waupasa tani kwinka ba tit bûi, naha piua uplika nani na pât ra lulkbia, kan witin sika plis laih pali wina balan, Salaman sinska lâka tara ba walaia; bamna kaiks, diara kum nahara yana lika Salaman purkara kau tara sa.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.