Luk 11:24 - DAWAN BÎLA AISKA

²⁴ “Upla wina pirit saura taki auya ba ra, witin tasba lâwan nani bâk impaki watauki ris plikisa. Sip sakras ba ra, ai kupia wal aisuya: ‘Yang waitla wina takatna ba ra kli waia sna.’

Luk 11:24 ပူးပေါင်းရင်းမြစ်များ

Job 1:7

Dawan mita makabi walan: —¿Man ani wina aulma? Bara dahra kwakwahkra ba pana win: —Tasba tâ aiska kir tnaya walhwal wina impaki tauki si aulna.

Job 2:2

Dawan bui witin ra makabi walan: —¿Man ani wina aulma ki? Bara dahra kwakwahkra ba pana win: —Tasba tâ kumi wina wala kat kir impaki tauki si aulna.

Lawana Nani 63:1

¡Gâdki, man ba yang Dawanki sma! Yang lika man ra brin ai dauki kira mai plikisna, kan diran ai dauki ba mita yang rayaki aiska ba, man dukiam takan ai daukisa. Sim tasba lâwan, lî âpu, rayaka; sin âpu ba baku sna.

Sins Lâka 4:16

Witin nani saura daukras kaka, sip kupia kumi lâka ba briras sa; upla kum pan batakras kaka, witin nani sip yapan daukras sa.

Aiseya 35:7

Upla iwras tasbaya ba lî madakura nani takbia, tasba lâwan pali ba sin, lî kârma nani man takbia. Yul wail nani watla, yukuwaika ba, yauhrus nani bara snati nani pâwbia.

Aiseya 44:3

kan upla iwras tasbaya ra yarka lî plapbia, awala nani daukamni, tasba lâwan diara pâwras pliska nani ra. Kiamkam nani purara, yang rayaka raya yabamni, bara yang yamniki nani blikamni.

Aiseya 48:22

Saurakira nani ba dukiara kupia kumi lâka ba âpu sa. Dawan baku aisin.

Mark 5:10

Bara pirit saura nani ba mita Jisas ra makaban baha tasbaya wina kangbi sâkbia apia.

Mark 9:25

Bara Jisas, upla ailal tutukwi kan kaiki, pirit saura ra lawi dauki win: —Man pirit bîlas, kiama prawra, yang adar maikisna man mahka taki was, tuktika na swis, bara kli sin witin ra bal dimpara.

Luk 11:25

Kli aula ba ra, baha uplika ba sakuya sim utla kum pahban, pain sin skahkan ba baku.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.