Luk 10:42 - DAWAN BÎLA AISKA

⁴² Sakuna diara kumi baman bâra sa briaia aitani. Meri sika diara kau yamni ba bâk saki brin sa, bara baha upla kumi bui sin mihta dakbia apia.

Luk 10:42 ပူးပေါင်းရင်းမြစ်များ

Lawana Nani 119:111

Yang prapatiki ban kaia ra ba lika man lâmka, kan man bîlam nani ba bui lilia ai daukisa.

Lawana Nani 119:173

Man mihtam ba mahka hilp ai munbia, man wan smalkram lâka nani bâk sakri bamna.

Lawana Nani 119:30

Kasakka tânka yabalka ba bâk saki briri, bara brin ai daukisa lâ nani aisi daukram lâka ba sin.

Lawana Nani 142:5

Man ra winisni, Dawan, bara mai wisni: “Man sika yang yukuwaiki; ¡man baman yang naha tasba ra mai brisna ba!”

Lawana Nani 17:15

Sakuna yang, kasak pali kupi kumi takaskamni, man mamwan kat mai kaikaia mamwanra, rawi buamna bara ai kaikaia.

Lawana Nani 27:4

Diara kumi yang bui Dawan ra makabisni, yang diara kumi baman plikisni, rayaki yua nani sut ra ai tempelka ra wih mayunaia, bara ai yamnika prana ba kaikaia.

Lawana Nani 73:25

¿Yang ba laih kasbrika purara ya brisna ki? ¡Man baman mai brisna! ¡Man wal sna bara naha tasba wina diara brin ai daukras!

Smasmalkra 12:13

Smalkanka ba tnata alkan sa. Pat diara sut win sa, Gâd ra kulks bara ai lâka nani ba dauks, kan baha ba upla sut daukaia sa.

Mark 8:36

¿Bamna dîa mapara hilp sa upla kum tasba aiska na saki bribia, sakuna ai sulka ba tikbia kaka?

Luk 10:39

Marta lika ai muihni kum bri kata nina Meri, bara witinka ba lika Jisas mina ra iwan, dîa aisi ba walaia dukiara.

Luk 11:1

Yu kumi Jisas plis kum ra ai pura suni kan. Witin ai pura suni luan ba ra, disaipil nani ba tila wina kum mita naku win: —Dawan, pura sunaia wan smalks, Jan ai disaipilka nani ra smalkan ba baku.

Luk 12:20

Sakuna Gâd mita win: ‘Waitna sinskas, naha sim tihmika pruma; ¿bara diara suni swiram ba ya dukia kabia ki?’

Luk 12:33

Dîa brisma ba sut wauhi atks, bara umpira nani ra diara yas. Lalahkam watla nani dauki bris sip almuk takras ba, bara kasbrika purara yuyakam sip luras ban kaia ra ba suni bris, bahara sika âimplikra sip dimras, bara yula nani sin sip sauhkras ba.

Luk 16:2

Bamna wark uplika dawanka ba mita paiwi, win: ‘¿Man dukiamra upla nani ai wi na dîa sa ki? Man warkkam nani wauhkataya ba bri sal aik, kan man kli yang warkki dauki kama apia.’

Luk 16:25

Sakuna Ebraham bila: ‘Luhpi, luki kaiks raya katma piua nani ra diara sut ba man pain baman briram, sakuna Lasarus lika diara sut ra saura baman kan. Nanara lika witin ba maisa nihkan sa, sakuna man lika pât wahwisma.

Luk 18:22

Jisas naha walan ba ra, witin bila: —Kau diara kumi man daukaia sma: diara brisma ba sut wauhi atks, bara upla umpira nani ra yas; baku lika man kasbrika purara yuyakam ba bri kama; bara ningkara bal, nini blîks.

Luk 8:18

“Baku bamna, pain wals; ya diara bri ba, witin ra kau yan kabia, sakuna ya âpu ba lika, witin dîa brisa luki ba sut ai mihta dakban kabia.”

Jan 11:1

Waitna siknis kum bâra kata, nina ba Lasarus, witin Betania wina kan, Meri ai muihni Marta wal tawanka ba.

Jan 11:19

Ju nani ailal aidrubi balan kata, Marta bara Meri wal ra maisa nihkaia, ai lakrika Lasarus pruan ba dukiara.

Jan 12:3

Baku mika, Meri mita batana isint kîa painkira batil banhki bri balan, baha ba mana pali kan, bamna baha ni Jisas mina nani ra yukan bara ningkara ai tâwa ni dikan. Utla aiska ba isint kîa man kata.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

1 Korint 13:3

Dîa brisna ba upla nani ra yuamna kra, bara wîni tara pali na sin angkbia wisi yabamna kra, sakuna latwan lâka âpu sna kaka, baha sut ba bahki baman sa.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Kli Smalkanka 30:19

Naiwa yua ra, kasbrika pura ba bara tasba ba wal man nani mamwanra witniskam bris. Raya kaia bara prura ba wal, mamwanra swisatna ani ba brima dukiara, yamnika bara lahtubanka sin. Bamna bris rayaka ba man nani raya kaia dukiara bara kiamkam nani sin.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.

Jasua 24:22

Bara Jasua win: —Man nani pali mita witniskam takisma, pliki sakisma Dawan dukia baman daukaia. Pana witin ra win: —Âu, yang nani baku aisisni.