Luk 10:34 - DAWAN BÎLA AISKA

³⁴ bara witin lika waitnika ba lamara wan, bara insauhkanka nani ba sut batana bara wain wal yuki muni, kwala ni wilkan. Ningkara witin ai araska ra suni brih wan, bara hutil kumi ra dingki, main kaikan.

Luk 10:34 ပူးပေါင်းရင်းမြစ်များ

Blasi Sturka 42:27

Yabal lilara tihmia yapaia pliska ba kat witin nani wan ba ra, witin nani wina kumi ai surunka ba lanhki saki kaikan, ai daiwra plun dakakaia dukiara; bara kaikan witin plun atkan lalahka ba surun bilara kan.

Impakan Sturka 4:24

Bara Moses yabal ra auya kan ba ra, yapaia pliska kum ra takaskan, ai maya ai luhpia nani sin aikuki tihmia bahara luaia, bara Dawan ba Moses ra bal takan bara Moses ra ikaia munan.

Mark 14:8

Naha mairka dîa daukaia sip kan ba kat daukan; kau wina, wîni tara na batana kîa ni yukan, tasba ra ai bikaia dukiara.

Luk 10:33

Sakuna Sameria waitnika kum sin baha yabalka bâk auya kan, bara waitnika ba kaikan ba ra, latwan kaikan,

Luk 10:35

Yu wala, Sameria waitnika ba mahka waia ra, lalah silin wâl hutil dawanka ra yabi, win: ‘Naha waitnika na main kaiks, bara kau dîa aibapaia kabia ba, yang kli balamna ba ra aibapamna.’

Luk 2:7

Bahara witin ai luhpia waitna tawahkia ba aisuban, bara kwala ra karbi, daiwan pata watla ra tnikan, witin nani hutil ra takaskaia plis âpu kan bamna.

Roman 12:20

Bara naku sin wisa: “Man waihlam plun dauki kaka, plun yas pibia, bara lî din dauki kaka, lî yas dibia; kan man naha daukisma ba mita, witin ai swira bara sari sin lukbia.”

1 Tesalonaika 5:15

Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.