Luk 10:3 - DAWAN BÎLA AISKA

³ Man nani mahka was; bamna kaiks, yang bui man nani ba sîp lupia nani baku yul wail nani tilara mai blikisna.

Luk 10:3 ပူးပေါင်းရင်းမြစ်များ

Lawana Nani 22:21

Layanka nani ba bîla wina sin ai dakbi ai sâks; ¡bîp wainhka nani aringka ba wina, man bui yang kaini kahs!

Sofonías 3:3

Wihta tara nani ba layan baku uhbisa; wihta sirpi nani ba yul kraskira plun dauki kan, wîna dusa sut pi ba baku sa, yauhka dukiara dusa kum pan swiras.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Matiu 10:22

Upla sut mita yang tâiwan misbara mai kaikbia, sakuna ya ya tnata kat ban bapi bubia ba, baha lika swaki sakan kabia.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Luk 10:4

Man nani lalah watla brih wapara, sakbat bara sûs sin brih wapara, bara yabal ra upla lakula daukaia wisi takaskpara.

Jan 10:12

Sakuna wark taki uplika ba lika ai mana briaia dukiara baman wark takisa; bamna ani piua yul wail kaikan aula ba ra, sîpka nani ba swi si plapisa, kan witin ba sepad apia sa, bara sîp nani ba sin ai dukia apia bamna. Baku bamna, yul wail ba mita sîp nani ba alkuya, bara yakabrira baman daukuya.

Jan 15:20

Bamna dîa mai wîri ba dukiara kupiam krauki bas: ‘Alba kumi sin âpu sa, witin ai dawanka wal kau tara ba.’ Yang pali nini bliki rau ai sauhkan sa kaka, man nani ra sin ninam bliki rau mai sauhkan kabia; bara witin nani bui yang smalkanki bîla ba alki brin kaka, man nani smalkankam bîla ba sin alki bribia.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Apastil Nani Sturka 20:29

Bamna kaikisna, yang wamna ningkara, upla wala nani balbia, serts ra upla nani bâra ba sauhkaia, bara sin yul wail prautkira nani mita sîp nani âpu dauki ba baku kabia.

Apastil Nani Sturka 9:16

Yang mita witin ra marikamna nahki pât nani uya yang dukira wahwaia ba.”

Apastil Nani Sturka 9:2

Bara lâ daukaia karnika wauhkataya nani makaban, witin baha ba wal Damaskus Ju nani priaska watla nani ra wih plikaia, baha nani sturi yamni nina bliki ba sut alki Jerusalem ra bri sal silak ra atia mangkaia, waitna nani sapa, mairin nani sapa.