Luk 10:28 - DAWAN BÎLA AISKA

²⁸ Bara Jisas pana win: —Man pain wiram. Naha na dauks, bara raya ban kaia ba brima.

Luk 10:28 ပူးပေါင်းရင်းမြစ်များ

Nihimaya 9:29

Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Sins Lâka 19:16

Lâ bîla ban bri yamni dauki uplika ba, ai rayaka main kaikisa; kuna Dawan smalkanka alki briras uplika ba lika prubia.

Isikiel 20:11

bahara lâika nani bara dîa daukaia lâka ba yabri; ya baha daukuya ba, rayaka yabi ba.

Isikiel 20:13

Sakuna upla iwras tasbaya ra maipara buan, bara lâika bîla walras; dîa daukaia lâka yabatna ba baha dauki raya kaia; riski yua nani briaia kata ba tâski daukan. Bara lukri kan kupi baiwanka witin nani purara batakaia bara upla iwras tasbaya ra âpu daukaia.

Isikiel 20:21

‘Sakuna witin nani luhpia nani sin maipara buan. Lâika bîla nani wali daukras kan, dîa daukaia wîni lâka ba sin alki daukras, baha ya daukbia ba raya kabia wîri ba, riski yua nani ba tâski daukan. Lukri yang kupi baiwanka witin nani purara blikaia, bara upla iwras tasbaya ra âpu daukaia, kupi baiwanka lamni daukaia.

Libait Lâka 18:5

“Lâ nani maikri lâka nani ba alki dauki bas, ani uplika lâika nani alki daukbia ba, raya kabia. Yang sika Dawan.

Matiu 19:17

Jisas pana witin ra win: —¿Dîa kan yang ra yamni ba dukiara makabi walisma? Yamni ba kumi baman bâra sa. Sakuna raya ban kaia ra diman mai daukisa kaka, lâ nani ba wali dauks.

Mark 12:34

Bara Jisas naha waitna luki kira witin ra win ba kaiki, pana witin ra naku win: —Gâd kingka tasbaya ba wina laihura apia sma. Bara upla kumi sin kli witin ra diara makabi walaia lukras kan.

Luk 7:43

Saiman pana win: —Yang lukisna baha traska kau tara kan swin tiwan yaba. Jisas bila: —Man kasak aisaram.

Roman 10:4

Bamna Kraist ra sika Moses lâka aiska daukisa, bara ya witin ra kasak luki ba Gâd mita yamni kulkan sa.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Roman 7:10

bara yang katna ba pruri. Baku bamna, lâ mita raya kaia lâka aikaia kan ba, prura ra ni ai brih wan.

Galesha 3:12

Bamna Moses lâka ba lika kasak lukan lâka tânka apia sa, kuna dîa aisi ba wals: “Ya naha diara nani na sut daukisa kaka, witin baha dukia nani ba mita raya kabia.”

Kli Smalkanka 6:24

Dawan wan Gâdka wan blikan naha lâka nani ra sut yawan trai kaikaia bara tara kulkaia, yamni waia wan rayaka sin main kaiki bri kaia nanara baku.