Luk 10:22 - DAWAN BÎLA AISKA

²² “Diara nani sut na Aisiki mita yang ra atia aikan sa. Upla kumi sin Luhpia ba kaikras, Aisiki yakan mika; bara upla kumi sin Aisa ba kaikras, Luhpia baman bara baha nani Luhpia mita yarka kakaira takaia want ba baman.”

Luk 10:22 ပူးပေါင်းရင်းမြစ်များ

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Matiu 11:27

“Yang Aisiki mita diara nani sut mihti ra mangkan sa. Upla kumi sin Luhpia ba pain pali kaikras, Aisa ba baman; bara Aisa ra upla kumi sin pain pali kaikras, Luhpia baman, bara ya ya Luhpia mita marikaia luki nani ba sin.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Jan 17:10

Yang duki sut ba man dukiam sa, bara man dukiam sut ba yang duki sa; bamna yang praina ba baha nani ra ingwisa.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

Jan 17:26

Yang bui witin nani ba man wal kakaira daukri, bara kau sin baku dauki kamna, bara baku mika latwan ai kaikisma lâka ba witin nani kupia ra kabia, bara yang pali sin witin nani wal asla kumi kamna.”

Jan 17:5

Bamna Aisa, nanara aik baha mayunra kau tasba na âpu kan wina man wal kan ba.

Jan 3:35

Aisa ba ai Luhpia ra latwan kaikisa, bara witin mihta ra diara sut mangkan sa.

1 Korint 15:24

Baha kat lika piua ba sut aimakbia; bara Kraist mita pura aimaki nani bani ba, pura karnika alki bani ba bara karnika sât wala alki nani ba sut pura lubia, king lâka ba Gâd Aisa mihta ra mangkbia.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Epesus 1:21

Kraist lika kasbrika purara karnika bri nani ba sut purkara kau karna sa, lâ karnika alki nani ba, dawan taki nani ba, pura aimaki nani ba, nina wala nani ba nanara bara naika bâra mâkbia ba sut purkara sin.

Hibru Nani 2:8

diara sut ba witin karnika munhtara mangkram.” Baku bamna, Gâd mita diara nani sut ba upla karnika munhtara mangkan sa; naha tânka na latan sa diara sut kat ba, upla mina munhtara mangkan sa. Ban sakuna, upla ba diara sut purkara wihta aimakan yawan kau kaikras sa.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

2 Jan 1:9

Ani uplika Kraist smalkanka ba swi si ai kupia lâka kat ban tauki ba, witin lika Gâd luha pali sa; kuna ani uplika Kraist smalkanka kat ba, witin lika Aisa ba brisa bara Luhpia ba sin.