Luk 10:2 - DAWAN BÎLA AISKA

² Bamna witin nani ra win: “Kasak pali mai wisna, insla mâ dakbaia ba uya sa, sakuna wark uplika nani ba lika wiria baman sa. Bamna wark Dawanka ra man nani makas, wark uplika nani ai nasla ra dakbaia blîkbia.

Luk 10:2 ပူးပေါင်းရင်းမြစ်များ

1 King Nani 18:22

Bara Ilayas kli upla nani ra win: —Yang yakan Dawan prapitka raya sna, sakuna Baal prapitka nani lika 450 bâra sa.

Lawana Nani 68:11

Dawan mita upla nani ra ai bîla kum blikan bara mairin nani manis upla ra smalkan:

Jirimaya 3:15

Wihta nani yang bîli wali dauki ba yang mita mangki maikamna, bara sins bri lâka ra diara tânka kaiki lâka ni wihtkam aimaki kabia.

Sakaraya 11:17

¡Baha sepadka diara yamni sip daukras sîp daknika lulki swi ba, sari pali kabia! ¡Yarka sord ba ai klahkla bara ai nakra aihkika purara kauhbia! ¡Bara klahkla ba yarka lâwbia, nakra ba sin kaikras daukamna!”

Sakaraya 11:5

Sîp atki âikra nani pâtkira taki ba, ai dara walras sa, bara wauhi âiatkra nani ba wisa: ‘¡Dawan ra tingki, yang pat yuyakira sna!’ Sepadka nani pali ba sin ai sîpka nani ra umpira kaikras sa.

Kulki Kaikanka 11:17

Yang bal iwamna bara bahara man wal aisamna, bara man spirit brisma ba wina wirâ brimna, baha witin nani ra sin yabamna bara witin nani sin hilp mai munbia upla nani karbanka ba twilkaia; baku lika man yakan kama apia.

Kulki Kaikanka 11:29

Bara Moses pana win: —¿Man bui yang tâiwan lawisma ki? Aitani kaia kan upla sut ba Dawan prapitka kata, Dawan spiritka ba witin nani sut purara kahban kan sa kaka.

Matiu 20:1

“Gâd king aimaki lâka ba insla dawanka kum baku sa; witinka titan pali taki wan wark tatakra nani ra wark yabaia, ai wainka nasla ra wark takaia.

Mark 13:34

Sim waitna kum laihura impaki ba baku sa, bamna ai watla kau swiras ba ra, ai albika nani ra warkka yabisa, bara dur aihwakbia wisa.

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Mark 16:20

Bamna disaipil nani mahka taki, sturi yamni ba plis sut ra aisi smalkan. Dawan sin witin nani ra hilp muni kan, bara ai smalkanka, sain nani taki ba mita, tâ baiki kan.]

Luk 9:1

Jisas ai disaipilka 12 ba asla paiwi, baha nani ra karnika bara adar sin yan, pirit saura nani kangbi sakaia bara siknis nani rakaia sin.

Apastil Nani Sturka 11:19

Stiben ikan ningkara, lalukra wala nani ra sin mahka rausauhkan, bamna tila nani ba Fenicia ra, Chipre ra bara Antíoco ra sin plapan. Bahara Jisas sturka yamni ba Ju nani ra baman smalkan, Ju apia nani ra lika apia.

Apastil Nani Sturka 13:2

Yu kum naha uplika nani Gâd ra luki plun piras kira Dawan ra mayunan kan ba ra, Spirit Holikira naku win: “Man nani Bernabé bara Saulo wal ba saki aik, baha warkka daukaia yang bui witin nani paiwri ba.”

Apastil Nani Sturka 13:4

Bernabé Saulo wal ba Spirit Holikira mita blikan bamna, witin nani Cilicia ra iwi wih, baha wina duri tara kum ra aimaki Chipre kî dakura ra wan.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Apastil Nani Sturka 22:21

Sakuna Dawan bui ai win: ‘Man mahka was, yang bui man ba laihura mai blikaisna, Ju apia nani tilara.’ ”

Apastil Nani Sturka 8:4

Lalukra nani plis plis ra plapan ba mita ani anira wan ba ra swaki sakan sturka yamni ba smalki kan.

1 Korint 12:28

Baku bamna, serts ra Gâd ba upla tila nani ai pliska kat mangkan sa: tâura pali, apastil nani, baha ningkara, Gâd prapitka nani; ningkara, smasmalkra nani; ningkara, sain tara nani dauki banhwi ba; ningkara, sikniskira nani raki nani ba, upla ra hilp muni banhwi ba, tâ bri uplika nani bara bîla sât sât aisaia sinska bri banhwi ba.

1 Korint 15:10

Sakuna yang dîa sna ba lika, Gâd bui yang wal ai kupia pihni brin ba mita; bara yang wal ai kupia yamni lâka brin ba bahki ra tawras sa. Sakuna, yang sika apastil nani sut purkara kau wark takri ba; baha ba yang pali lika apia, sakuna Gâd sika ai kupia yamni lâka ni yang wal ba.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Pilipai 2:21

Upla wala nani lika, witin pain kaia baman plikisa, bara Kraist Jisas dukia nani ba lika ai kupia lukras.

Pilipai 2:25

Sakuna aitani lukisna, wan muihni Epafrodito ba mai blikamna, witinka yang tnaiya ra wark karna pali takan ba, bara man nani mita blikram ba hilp ai munaia dukiara.

Pilipai 2:30

kan witin ba Kraist warkka tâwan pat pruaia man kan. Ai rayaka trabil ra mangkan, man nani bui hilp aikaia sip apia kapram ba, witin mita aikaia dukiara baku daukan.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

1 Tesalonaika 2:9

Muihki nani, man nani pain kupiam kraukisma si, nahki wark taki trabil bri banhwatna ba, yang nani rayaki hilpka bri kaia dukiara. Kakna bara tihmia wark taki banhwi katna, Gâd sturka yamni mai smalki kapri ba ra, man nani puramra wirhika kumi sin maiki banhras katna.

1 Tesalonaika 5:12

Muihki nani, yang nani mamkabisna man nani tilamra wark taki nani ba kulki kama, witinka nani Dawan bâk sakan ba tâm briaia dukiara, bara mai smalkaia dukiara sin.

2 Tesalonaika 3:1

Tnata ra, muihki nani, yang nani maita puram suni bas, Dawan sturka yamni ba aihni pali plis plis ra wabia, bara baha ba yamni kulki bribia, man nani tilamra takan ba baku.

1 Timoti 4:10

Naha dukia tâwan sika yawan wark karna takisa, bara upla mita sin saura wan wisa, kan yawan na wan kainara diara briaia ba, Gâd rayakira kat brisa, bara witin sika upla sut Sasakrika ba, bara kau pali lika kasak luki nani ba.

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

Pilimon 1:1

Yang Pal, Kraist Jisas tâwan silak ra ai brisa, bara naha wauhkataya na, yang wan muihni Timoti wal wina upliki Pilimon ra mai ulbi banhwisna, wan uplika latwankira aikuki wark daukri ba.

Hibru Nani 3:6

Sakuna Kraist lika baha Gâd watla ba main kaikisa, Luhpia kasak kum baku. Yawan sika witin watla ba, yawan na dîa wan kainara briaia bîla kaiki ba kat liliakira, kasak ban ba kat dutki alki bri kabia kaka.

Param Marikanka 2:1

“Bamna Epesus sertska insalka ra naku ulbi wis: ‘Witinka ai mihta aihkika ra slilma 7 bri ba bara kiandil mina silbar ni paskan 7 tilara tauki ba mita naku wisa: