Luk 10:16 - DAWAN BÎLA AISKA

¹⁶ Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Luk 10:16 ပူးပေါင်းရင်းမြစ်များ

Impakan Sturka 16:7

bara titan ingbia ra Dawan prana ba man nani kaikma, Dawan mapara man nani rangbi aisaram ba witin walan bamna. ¿Yang nani na ya, bara man nani bui yang nani maipara rangbi aisaia?

Impakan Sturka 16:8

Moses sin ban kau pura praki aisin: —Tutni ra Dawan bui man nani ra wîna piaia maikbia, bara titan ra sin plun wala ailal piaia maikbia, man nani bui witin ai mapara rangbi aisaram ba witin walan bamna. ¿Man nani aisaram dîa muni yang nani na ya? Man nani lika yang nani maipara rangbi aisaras kapram, sakuna Dawan mapara aisaram.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Kulki Kaikanka 14:11

bara Dawan mita Moses ra win: —¿Ahkia kat naha uplika nani ban bahki ai kulki kabia ki? ¿Ahkia kat ban kasak ai lukras kabia ki, baha diara aihkakira nani witin nani tila kat daukatna ba?

Kulki Kaikanka 14:2

Witin nani sut Moses bara Eran wal mapara brukwi saura aisi banhwan. Witin nani aisi kata: “¡Yawan Idsip tasbaya ra pruan kaka kanra yamni kaia kan, apia kaka nâra upla iwras tasbaya ra yawan pruaia!

Kulki Kaikanka 16:11

Eran ba ya wisi witin mapara saura aisisma ba, kasak pali sa man wihki uplikam nani aikuki Dawan mapara si brisma.

Matiu 10:40

“Ya ya man nani ra pain mai bri ba, yang ra ai brisa; ya yang ra ai bri ba, witinka ai blikan ba ra brisa.

Matiu 18:5

Bara ani uplika yang nini ra luki nahmuna tuktika kum brisa kaka, yang ra ai brisa.

Mark 9:37

—Ani uplika, yang nini ra luki nahmuna tuktika kum bribia kaka, yang ai brisa; bara ya yang ai bri ba, yang ra baman lika ai briras, sakuna witinka ai blikan ba ra sin brisa.

Luk 9:48

naku win: —Ya yang nini ra luki naha tuktika na bribia kaka, yang ai brisa; bara ya yang ai bri ba, ai blikan ba ra sin brisa. Bamna ani uplika man nani tilamra kau mâyara kulkan ba, baha sika kau tara ba.

Jan 12:44

Jisas ai bîla baikra tara ni aisin: “Ani uplika yang ra kasak luki ba, yang ra baman kasak lukras, kuna Aisiki ai blikan ba ra sin kasak lukisa.

Jan 12:48

Ani uplika bahki ai kulki bara bîli nani sin wali daukras ba, ya mita pât ra lulkaia ba pat bâra sa. Bîla nani yang aisari ba mita sika tnata piua ra pât ra lulkan kabia.

Jan 13:20

Kasak pali mai wisna, ya yang blikri uplika ra bri ba, yang ra ai brisa; bamna ya yang ai bri ba, witinka ai blikan ba ra sin brisa.

Apastil Nani Sturka 5:4

Baha tasbaya kau wauhi atkras kapram piua ra man dukiam kan, nanara wauhi atkram na piua ra lalahka ba sin man dukiam sa. Bamna kaiks, ¿dîa muni baku daukaia kupiam ra lukram? Gâd ra sika man kunin munisma ba, upla ra lika apia.

Galesha 4:14

Baha sikniska ba man nani mampara traika kaikanka kumi kan, ban kuna baha tâwan wisi man nani mita bahki bara saura ai kulki ai briras katma. Sakuna, ai briram yang na Gâd insalka kumi baku, bara Jisas Kraist pali kapri kan baku.

1 Tesalonaika 4:8

Baku bamna, ya naha smalkanka nani bahki kulkisa kaka, upla kum ra lika bahki kulkras sa, sakuna Gâd ra sika, witinka pali ai Spiritka Holikira wankan ba.