Luk 10:11 - DAWAN BÎLA AISKA

¹¹ ‘¡Tawankam tasbaya yuyaka nani sin yang nani mini nani ra alkan ba sut siauhbi batakuna, man nani mampara witnis kabia dukiara! Sakuna naha na kaiki banhwi bas: Gâd King aimaki lâka ba pat man nani lamara balan sa.’

Luk 10:11 ပူးပေါင်းရင်းမြစ်များ

Isikiel 2:5

Witin nani mai walbia, apia kaka walras kabia sin, ban sakuna ai dahra walbia, piu sut ra prapit kum ai tilara bâra ba.

Matiu 10:14

Bara utla kum ra, apia kaka tawan kum ra pain mai briras bara mai walras kaka, baha tawanka wina taks, bara tasba yuya minam ra ba siauhbi sâks.

Matiu 10:7

Naku smalki was: Gâd king aimaki ba lâka pat baila sa.

Matiu 3:2

ai smalkanka ra aisi kan: “¡Man nani kupiam laks, kan Gâd king aimaki lâka ba pat baila sa bamna!”

Mark 6:11

Bara ani pliska ra man nani mai briras, bîlam sin walras kaka, baha wina mahka taki was tasba yuya minam ra ba siauhbi saki, baha ba witin nani mapara witnis kum kaia ba dukiara.

Luk 10:10

Sakuna ani tawanka ra wama ba ra pain mai briras sa kaka, tawan yabalka nani ra taki, naku wis:

Luk 10:9

sikniskira nani bahara kaka, râks, bara naku sin wis: ‘Gâd king aimaki lâka ba pat man nani lamamra sa.’

Luk 9:5

Ani pliska kra wantkam apia takbia kaka, baha tawanka ba wina taks, tasba yuya minam nani ra alkan ba sin siauhbi sâks, baha ba lika witin nani mapara witnis kum baku kabia.

Apastil Nani Sturka 13:26

“Muihki nani, Ebraham kiamka nani sma ba, bara Ju apia nani Gâd ra sibrin luki banhwisma ba sin: man nani sut dukiam sa naha swaki sakan lâka sturka na.

Apastil Nani Sturka 13:40

Bamna aman kaiks, prapit nani dîa ulban ba sut man nani puramra kauhbiara. Witin nani naku aisin:

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 13:51

Bamna apastil nani mita ai mina ra tasba yuya nani alkan ba siauhbi sakan, baha uplika nani mapara witnis kaia ba dukiara. Ningkara witin nani Iconio ra wan.

Roman 10:21

Sakuna Israel luhpia nani dukiara Aiseya naku wisa: “Yu aiska mihti nani ba sakbri, kiama karna bara bîla kat sin wali daukras uplika nani ra.”

Roman 10:8

¿Bamna, dîa pali aisisa ki?: “Gâd bîla ba man lamam pali kat sa, bîlam ra bara man kupiam kat sin.” Naha bîla na sika kasak lukan lâka yang nani smalkisna ba.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.