Luk 1:70 - DAWAN BÎLA AISKA

⁷⁰ Patitara piua wina witin baku pramis daukan, ai prapitka holikira nani bâk:

Luk 1:70 ပူးပေါင်းရင်းမြစ်များ

Blasi Sturka 12:3

Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

2 Samuil 23:2

“Dawan Spiritka ba yang bîli bâk aisisa; ai bîla aisinka ba yang twisi ra sa.

Jirimaya 23:5

Dawan kasak aisisa: “Piua kum balbia bara baha yua yang daukamna witin pali ai kiamka bribia, king kum sins bri lâka ni kasakka lâka ba dauki, wapni lâka ba dauki king aimakbia naha kuntrika ra.

Jirimaya 30:10

“Yang, Dawan ba, kasak aisisna: Man nani si bripara, Jekob uplika nani, yang duki dadaukra nani, Si bripara, Israel, man bara luhpiam nani sin pri mai sakamna baha kuntri laihura silak ra mai mangkan ba. Kupiam kumi kli iwi kama, âmyapah kama, upla kumi sin sirang mai ikras.

Mark 12:36

Kan Debit pali Spirit Holikira ingnika mita, naku win: ‘Dawan mita yang Dawanki ra win: Man mihti aihkika ra iws, yang mita waihlam nani minam munhtara mangkamna ba kat.’

Luk 24:44

Ningkara, witin bila: —Dîa yang ra takan ba tânka sika sut mai wîri, kau man nani wal katna ba ra: Baha ba sut aimakaia kan, yang dukira dîa Moses lâka ra ulban ba, prapit nani Ulbanka ra ba, bara Pura Sunra Lawana nani ra sin.

Apastil Nani Sturka 28:25

Witin nani ai tilara aikuki sip lukanka kumi sakras kan bamna, mahka taki aidruban. Bara Pal bila: —Spirit Holikira ba prapit Aiseya bâk pain aisin wan damika nani ra.

Roman 1:2

Gâd, witin ai prapitka nani bâk, naha sturka na pat aisin kan Ulbanka holikira nani ra.

Hibru Nani 3:7

Baku bamna, Spirit Holikira mita Ulbanka ra aisi ba baku: “Naiwa, Gâd bîla baikra ba man nani walma kaka,

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.

2 Pita 1:21

Kan prapit nani lika, aima kumi sin upla lâka kat ai kupia wina diara saki aisaras kan. Sakuna, witin nani lika upla nani kan, bara Spirit Holikira mita tâ bri kan ba mita, Gâd wina diara brih aisi kata.

2 Pita 3:2

Kupiam krauki bas, kaina piua ra prapit holikira nani dîa aisin ba, bara Dawan wan Sasakra lâka, apastil nani mita man nani ra mai smalkan ba sin.

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.