Luk 1:16 - DAWAN BÎLA AISKA

¹⁶ Witin mita Israel luhpia nani manis kli ai Dawan Gâdka ra laki bri balbia.

Luk 1:16 ပူးပေါင်းရင်းမြစ်များ

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Daniel 12:3

Upla sinskira nani ba, baha nani upla ailal yabal wapni bâk brih impaki kan ba, kasbrika purara ingwi kabia; ¡slilma nani ba baku, ban kaia ra ingwi kabia!

Malaquía 3:1

Dawan karnika sut bri ba, naku aisisa: “Yang blikaisna bîli twatwilkra ba yabalki ba mahka daukaia. Man nani plikisma Dawankam ba, witin pat pali bal ai tempelka ra dimbia. ¡Man nani wal lâ daukaia bîla twatwilkra bîla kaikisma ba pat aula!”

Matiu 21:32

Kan Jan Tatahbra ba man nani ra mai smalki balan nahki iwaia sma ba, sakuna man nani bui witin ra kasak lukras katma; sakuna lal mana saki nani bara rug mairin nani lika witin ra kasak lukan. Man nani naha kaikram, sakuna kupiam laki banhras witin ra kasak lukaia dukiara.

Luk 1:76

Bamna man, luhpi lupia, Gâd Laih Purara iwi ba prapitka mai mâkan kabia, kan Gâd kainara yabalka nani ba man mita ridi dauki wama,

Luk 3:3

Jan lika Jordan awala lamara plis nani sut bâk impaki, upla nani ra naku win: “Man nani kupiam laks, tahbi mai daukan kaia sa. Baku mika Gâd bui saurkam nani ba swih tikbia.”