Luk 1:15 - DAWAN BÎLA AISKA

¹⁵ Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Luk 1:15 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 48:19

Sakuna ai aisika ba baku daukaia brin daukras kan, bara pana witin ra win: —Luhpi, yang pat kaikisni, almukka ba yang kaikisna. Manasés sin tara kulkan kabia bara nisan tara takbia. Ban sakuna, Efraín kau ai ningka ba kau tara pali kabia, witin ai kiamka ba wina nisan nani kau ailal takbia.

1 Kronikas 17:8

Yang lika man wal katna ani ani ra waram piua ra, waihla nani man mampara balan ba sut âpu daukatna, ninam ba sin purara bukri, naha tasba ra tara kulkan uplika nani ba baku.

1 Kronikas 29:12

Yuyakira lâka ba bara prana ba sut lika, man wina aula sa, man karnikam mununhtara aiska brisma, man mihtam ra sa, karnika bara sip lâka ba sin, man mihtam ra sa karnika lâka bara diara sut ra karnika yaia ba.

Lawana Nani 22:9

Baku sa: man sika yang yaptiki biara wina aisubi takaia ai daukram; yang kainira diara bîla kaikaia sin ai daukram, kau yapti tialka aubi kapri ba ra.

Jirimaya 1:5

“Man kau mamikam biara ra aimakras katma ba kaina wina pat man ba yang warkki daukaia bâk mai saki mai paiwri kan; kau mai baikras kata ba yua ba wina pat aihka mai sakri kan; tasba aiska ra waia nisan nani ra yang daihra aisaia dukiara.”

Jirimaya 35:6

Sakuna witin nani pana ai win: “Yang nani wain diras, Jonadab, wan damika Recab luhpia waitna ba wan win, yang nani bara kiamka nani sut wain diaia apia.

Libait Lâka 10:9

“Man, apia kaka luhpiam nani, Dawan wal aisaia tintka watla ra dimbia ba ra damra walma, kli wain dih dimbia apia. Wain bara bahmuna sâtka wala sut sin dima apia, pruma ra sîa. Naha lâka baku kulki ban kabia, bara aisa nani ai luhpia nani sut ra wibia naha lâka na.

Sakaraya 9:15

Dawan, karnika sut bri ba mita, ai uplika nani kan kahbia, bara praukpraukia lalulkra nani walpaya ba ai mina ra taibia, bara ai waihla nani ba langki pibia; tâlia ba wain baku witin dibia, kâp tara kum baku witin nani ba banhki takbia, aringka nani altar purara tala laiki kahbi swin ba baku.

Luk 1:14

Aisubi takbia ba dukiara man liliam tara bara âmyapah kama, bara upla manis sin lilia pali kabia.

Luk 7:28

Yang mai wisna, upla nani sut tilara, Jan Tatahbra baku prapit tara wala kumi sin âpu sa; ban sakuna, ya Gâd kingka lâka ra sirpi baku ba, Jan purkara kau tara sa.

Luk 7:33

Kan Jan Tatahbra balan, bara witin plun uya piras, wain sin diras, sakuna man nani wisma witin pirit saura kum brisa.

Jan 5:35

Jan lika lamp kumi baku klauhi ai ingnika saki kata, bara man nani mita wilin banhwi katma piua prahni kum ai ingnika ra lilia kaia.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Galesha 1:15

Sakuna yang kau aisubi takras kapri wina, Gâd pat bâk ai saki ai brin kan, bara witin uya pali latwan lâka bri ba mita ai paiwan. Witin baku brin daukan bamna,

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

Jasua 3:7

Bara Dawan Jasua ra win: “Naiwa wina, piua bani yang bui maikrika Israel luhpia nani mawanra, man diara kau tara nani dauki kama. Bara baku witin nani kaikbia yang lika man wal sna, naipakan Moses wal kapri ba baku.

Jasua 4:14

Baha yua Dawan mita baku daukan, Israel luhpia nani ba sut Jasua ra kaiki tâ iwaia bara kulkanka sin yabaia, Moses raya kan witin nani bui witin ra bîla wali kulki kan ba baku, Jasua ra sin kulkaia.