Luk 1:10 - DAWAN BÎLA AISKA

¹⁰ Sîka kîa yamni ba angki kan ba ra, upla sut latara ai pura suni kata.

Luk 1:10 ပူးပေါင်းရင်းမြစ်များ

Lawana Nani 141:2

Puri sunra ba, dus mâka kîa pain baku man bui kaikma, mihti bukanka ba lika, tutni prisantka baku kabia.

Isikiel 46:3

Sabat nani bara kati raya yua nani, upla ba bal Dawan mawanra mayunbia, sim durka bâra ba mawanra.

Libait Lâka 16:17

“Dawan wal aisaia tintka watla ra Eran dimi, upla nani pâtka ban swih tikaia ai purara kabia ba ra, upla kumi sin tint watla ra kaia apia sa, witin baha wina bal takbia ba kat, witin, ai taya nani, upla sut saurka swih tikaia ai pura sunbia ba kat.

Hibru Nani 4:14

Jisas Gâd Luhpia ba sika wan prîs tara, kasbrika pura ba kat dimi wan ba. Baha mita yawan kasak lukan lâka tânka bri ba, ban dutki alki bri kap.

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

Param Marikanka 8:3

Baha wina insal wala kum balan, witin lika dus nani mâka kîa pain angkaika watla kum gul ni paskan ba bri kan, bara altar ba mawanra bûi kan. Witin ra dus nani mâka kîa pain uya yan kan, Gâd uplika nani sut pura sunra nani ra praki gul altarka king iwaika mawanra kan ba purara.