Libait Lâka 9:23 - DAWAN BÎLA AISKA

²³ Yamnika yan ba ningkara, Moses bara Eran wal, Dawan ra aisaia tintka watla ra diman, bara kli takan. Israel lupia nani ra Dawan Gâd ingnika tara upla nani purara ingwan:

Libait Lâka 9:23 ပူးပေါင်းရင်းမြစ်များ

2 Kronikas 7:1

Salaman ai pura sunra tnata alkan ba ra, pauta klauhan kasbrika purara wina bal iwan, sakripaiska ba ami âpu takan, bara Dawan prana ba utla ba banhki takan.

Impakan Sturka 16:10

Eran kau Israel luhpia nani wal aisi kan ba ra, upla iwras tasbaya ba langnika ra kasbrika kum ra, Dawan prana ba param takan upla nani sut ba kaikan.

Impakan Sturka 39:43

bara Moses mita kaikan warkka nani sut ba. Bara kaiks, Dawan dîa daukbia wisi win ba baku daukan kata. Bara witin nani ra yamni munan.

Libait Lâka 9:4

Bara bîp wainhka wala kum sîp sin kau kum bri bal. Dawan naiwa man nani ra param takaisa, bamna baha daiwra nani ba, witin kaiki bara iki, witin wal kli uplika takaia sakripaiska ba daukaia. Bara plun mâ akban batana laya ra akbi dauki prisantka sin man nani bri balma.”

Libait Lâka 9:6

Bara Moses mita witin nani ra kli win: “Dawan ai adarka ba man nani ra naku daukaia mai win sa. Bamna man nani baku dauks, bara Dawan ai prana ingnika tara ba man nani ra param mamrikbia.”

Kulki Kaikanka 14:10

Baku aisin, ban sakuna upla nani sut mita witin nani ra walpa ni sabaia buan. Bara Dawan prana ba Israel luhpia nani ra param takan tintka watla ra, Israel luhpia nani sut kaiki kan,

Kulki Kaikanka 16:19

Bara Coré mita Moses bara Eran wal mapara buaia wisi, pat upla nani ba paiwi, Dawan wal aisaia tintka watla latka ra wih banhwan bûi banhwi kan. Bamna Dawan prana ba latan takan upla nani sut kaiki kan,

Kulki Kaikanka 16:42

Bara upla nani ba Moses bara Eran wal ra kutbi brin; sakuna Moses bara Eran wal lika, Dawan wal aisaia tintka watla ra wan. Bara baha kat kasbrika bal madiskan, bara Dawan prana ba latan takan.