Libait Lâka 8:35 - DAWAN BÎLA AISKA

³⁵ Baha mita man Tintka watla ra dimaia durka ra wik kum bâra takaski kaia sma, kakna bara tihmia sut. Dawan lâ daukan lâka ba kulki kama, baku daukma bara man nani pruma apia. Naha lâka bîla na, yang na witin wina briri man nani ra maikaia, bara maikisna.”

Libait Lâka 8:35 ပူးပေါင်းရင်းမြစ်များ

1 King Nani 2:3

Dawan Gâdkam lâka nani ba alki bri bas, ai yabalka nani kat sin tauki bas. Ai lâka bîla nani ba aihwaki kaiki kama, ai lâka nani bara ai witniska bîla Moses lâ wauhkataya ra ulbi mangkan ba. Baku mika diara sut daukisma ba yamni kabia, ani anira wama sut ra yamni kama.

Impakan Sturka 29:35

“Baku daukma Eran bara luhpia nani ba, prîs warkka ra mangkaia dukiara. Dîa yang mai wîri ba kat daukma, 7 yua ba kat sunu sâkma,

Isikiel 43:25

Yu bani, yu 7 kabia, guts wainhka lupia kum sakripais daukma saurka lâka ba dukiara bara sin sîp lupia kum bara bîp lupia sin kum baha sut watawan âpu kaia.

Isikiel 48:11

Baha Sadoc kiamka nani prîs nani Dawan lamara takaskan nani ba tasbaya. Dawan warkka ba witin nani baman dauki kan, Israel luhpia nani Libait nani Dawan yabalka swin ba nani blikras.

Libait Lâka 10:1

Eran luhpia nani Nadab bara Abihú wal pauta aswan watlika ba brin bara diara aihka daukan, pauta aswan ra mangkan, awas mâka kîa yamni prisantka sin brin, bara angki Gâd ra yan. Sakuna Gâd mita wiras kan, witin nani silp baku daukan.

Libait Lâka 14:8

“Klin takan uplika ba ai prâka ba witin tuskaia sa. Ai unmaya sin irbaia sa, baku klin pali takbia. Baha ningkara kau wik kum pâsa dih tauki si bara tawan ba ra dimaia sip sa.

Libait Lâka 8:30

Baha ningkara altar pura ba wina yamni munaia batanka laya ba, tâlia ba sin wirâ lupia brin, bara Eran purara, luhpia waitna nani lal purara sin srikban, prâka nani ra sin srikban.

Libait Lâka 8:34

Naiwa yang daukisna ba sika, Dawan wina adar aikan dîa daukaia ai win ba baku daukisna, man nani saura daukram saurka nani ba, ban swih tikaia mata.

Libait Lâka 8:36

Bamna Eran ai luhpia waitna nani aikuki, Dawan bui Moses ra dîa lâ nani daukaia win ba, baha lâka nani ba witin nani bîla wali daukan.

Kulki Kaikanka 19:12

Yu yumhpika bara yu matlalkahbi pura kumika alkbia ba ra, witin baha laya ba ni sikbi sunu takbia. Bamna yu yumhpika bara matlalkahbi pura kumika ra klin takras sa kaka, sunu takbia apia.

Kulki Kaikanka 3:7

Eran warkka ba witin nani hilp munbia, dakni aiska warkka ba daukaia tint watla ra; bara baku witin nani tint watla ra warkka nani daukaia ba brin.

Kulki Kaikanka 9:19

Kasbrika ba tint watla purara piu wihka takaski ba ra, Israel luhpia nani impaki kan ba sin takaski kan bara bahara Gâd warkka nani ba dauki kan.

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

Kli Smalkanka 11:1

“Man nani bui Dawan Gâdkam ra latwan kaiks, bara ai lâka nani ba kat dauks piu bani ra, ai lâka nani maikan ba ban bri bas.

1 Timoti 1:18

Luhpi Timoti, naha lâka na man mihtam ra mangkisna, kasak lukan lâka wal bara sinskam pain brih, aiklabanka yamni ba aiklama, wan muihni nani Gâd nina brih, patitara man dukiamra aisi banhwan ba kat. Upla tila ba, ai kupia dara lukra ra bîla wali daukras ba mita, ai kasak lukan lâka ba sauhki tikan sa.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

1 Timoti 6:13

Nanara, Gâd mawanra, witinka diara nani sut ra rayaka yabi ba, bara Jisas Kraist mawanra, witinka sin ai lukanka tânka aisi witnis sin takan ba Pontius Pailat mawanra, yang bui mai smalki mai wisni,

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

1 Timoti 6:20

Timoti, dîa mihtam ra mangkan ba pain main kaiks. Tasba lâka bîla nani, bahki baman ba, tanis bara sins lâka wi ba, sakuna kunin aisi ba, man bîla walpara.

2 Timoti 4:1

Gâd mawanra bara Jisas Kraist mawanra sin, witinka king baku bal pruan nani bara raya nani lâka daukaia ba, yang bui man ra kasak lâ maikuna,

Hibru Nani 7:28

Moses lâka ba upla kasak aihwa apia nani ba prîs tara mangkisa; sakuna Gâd swer taki aisin bîla, lâ ningkara takan ba ai Luhpia ba prîs tara mangkisa, witinka ban kaia ra aiska aihwa daukan ba.