Libait Lâka 8:29 - DAWAN BÎLA AISKA

²⁹ Baha wina lamkuka ba sin Moses brih, bara Dawan mawanra lilia dauki yaban. Dawan adarka win ba baku lamkuka ba Dawan dukia yaban, bamna baha baman Moses brih Dawan ra yabaia kan.

Libait Lâka 8:29 ပူးပေါင်းရင်းမြစ်များ

Lawana Nani 99:6

Moses bara Eran wal, ai prîska nani tilara sa, Samuil lika nina mayuni ba tilara sa. Dawan wali kan witin nani hilp pliki makabi kan piua ra.

Aiseya 66:20

Nisan nani sut tila wina yaka balbia man nani tawankam uplika nani ba, aras ra, wagin nani ra, ai pahpaya ra twilki, muyul nani ra, kiamil nani ra uli, prisantka nani bri balbia, Jerusalem yang ilki holikira ra, Israel luhpia nani Dawan watla ra prisantka nani yaia watla klin ra diara mangki bri bal ba baku. Witin nani sin bri balbia, yang, Dawan, baku aisari.

1 Korint 10:31

Baku bamna, pi banhwisma sapa, di banhwisma sapa, dîa dîa daukisma sapa, sut ba Gâd prana dukiara dauki bas.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.