Libait Lâka 7:7 - DAWAN BÎLA AISKA

⁷ “Pâtkira takan sakripaiska ba bara saurka lâka daukan sakripaiska ba wâlsut, tânka kumi baku sa, sakripaiska ba nahki smalkanka ba sin wâlsut tânka kumi baku sa.

Libait Lâka 7:7 ပူးပေါင်းရင်းမြစ်များ

2 King Nani 12:16

Sakuna baha lalahka saurka mana bara pâtka swih tikaia dukiara yabi kan ba lika Dawan tempelka ra brih waras kata, kan baha lalahka ba sika prîs nani ra yaia kan ba.

2 King Nani 12:17

Baha piua ra Hazael, Siria kingka ba, Gat mapara bal aiklaban bara pura luan, bara ningkara Hazael ba Jerusalem mapara sin wih aiklaban.

Libait Lâka 14:13

Daiwan ikaia pliska ba ra sîpka ba ikan kabia, prîs ba holi takaia ba mata, saurka daukan mana sakripaiska ba. Baha angkaia pliska ra aiska angkbia, pâtkira sakripaiska, saurka daukan mana sakripaiska dauki ba baku, naha sin daukbia, baha ba holikira pali kulkan bamna.

Libait Lâka 2:10

Bara plun dîa kau angkras swin ba, baha pat Dawan dukia sakan kan bamna, baha lika Eran ra yabia, ai kiamka nani ra sin.

Libait Lâka 2:3

Bara plun prisantka yaban tâka kau swin ba, baha sika pat aihka saki Dawan ra yabaia sunu daukan prisantka sa. Bamna baha pat Dawan ra yaia kulkan ba lika, prîs Eran bara ai kiamka nani ra yabia.

Libait Lâka 6:17

Plawarka ba îs mangkras angkbia, baha plawarka yang ra prisant aikan angkan ba wina witin nani ra yabri sa kaka, baha ba sunu pali kulkan sa bamna, saurka swih tikan pâtka kulkras swin ba sakripaiska daukan ba wal baku kulkan sa bamna.

Libait Lâka 7:8

Baku natka ra sin, baha prisantka upla kum dukiara daiwan kum iki aiska angki sakripaiska dauki ba, daiwra taya ba witin briaia sa.

Kulki Kaikanka 5:8

Sakuna baha dukia dawanka, lalahka briaia uplika ba pruan sa kaka, ai taya kum ai lamara baha briaia âpu sa kaka lika, baha mana aibapan ba Dawan ra yabia, prîs warkka ra yus munaia dukiara. Sakuna prîs ba sîp iki, uplika pruan ba saurka swi tikaia sakripaiska daukbia.

1 Korint 10:18

Israel uplika ba kaiki bas: sakripais daukan dukia nani pi uplika nani ba, baha sakripaiska ba aikuki asla brisa.

1 Korint 9:13

Man nani kaikisma tempel warkka dauki uplika nani ba, tempel wina ai pata pîsa. Wibia kaka, baha nani altar ra sakripais nani dauki yabi banhwi ba, bahara daiwan nani iki sakripais dauki yabi ba wina, wîna ba pi banhwaia sip sa.