Libait Lâka 7:2 - DAWAN BÎLA AISKA

² Baha pâtka mana ikaia daiwra ba, daiwan iki angkaia yabi ba pliska ra bri si, nana dakbia; bara tâlia ba ni altar pura bara tnaya kir ba sin srikbaia.

Libait Lâka 7:2 ပူးပေါင်းရင်းမြစ်များ

Aiseya 52:15

baku nisan nani sin taibia; king nani witin kaiki ai mawanra ai bîla prakbia, kan witin nani ra diara wiras kan ba dukia nani ba marikbia bamna, bara witin nani diara walras pali kan ba baha tânka sin bribia bamna.

Isikiel 36:25

Lî klin wal sikbamna, klin daukamna ai tâskika sut ba wina, sunu daukamna aidul nani wal asla kata lâka ba wina;

Isikiel 40:39

Baha watla bilara man dimaia bara playa tara ba lamara tibil walhwal bâra kan, wâl ba tnaya kum ra, wala wâl ba tnaya wala ra. Baha tibilka nani purara sakripais daukaia daiwra nani ba iki kan, saura daukan ba mana, pâtkira takan ba sin ban swih tikaia mana.

Libait Lâka 1:11

bara Dawan kaiki ba ra, altarka tnaya yahbra tani ra daiwra ba skiru ni sabi ikbia. Bara Eran luhpia prîs nani ba bal, tâlia ba brih altar purara, tnaya nani kir ba ra srikbia.

Libait Lâka 1:3

“Baha daiwra aiska angkaia ba, witin ai daiwra tila wina brih aula kaka, bîp wainhka kum, taya sauhkan âpu ba bri balbia. Baha yamni kulki bribia dukiara, daiwra ba tint watla dimaika ba kat dawanka mita bri balbia, upla nani mawanra witin ai prisantka ba Dawan lamara, altar ra bri balbia, witin kaiki ba ra,

Libait Lâka 1:5

Dawan mawanra bri sal bîp wainhka ba skiru ni ikbia; baha ningkara Eran luhpia prîs nani ba bal, tâlia prisantka ba Dawan ra yabia, bara baha ningkara, tâlia ba ni, altarka pura tnaya nani ba sin kir srikbia, upla nani tint watla ra bal, Dawan wal prawbia dimaia durka lama lata tani ra ba ra.

Libait Lâka 14:13

Daiwan ikaia pliska ba ra sîpka ba ikan kabia, prîs ba holi takaia ba mata, saurka daukan mana sakripaiska ba. Baha angkaia pliska ra aiska angkbia, pâtkira sakripaiska, saurka daukan mana sakripaiska dauki ba baku, naha sin daukbia, baha ba holikira pali kulkan bamna.

Libait Lâka 3:2

Uplika ai prisantka dauki yabaia aula ba, witin ai mihta ba daiwra ba lal ra kahbaia sa; baha ningkara, Dawan wal aisaia Tintka watla durka lama ba kat, skiru ni sabi ikbia. Bara prîs nani ai warkka ba daukbia, tâlia ba brih altar pura ba tnaya ba kir sin srikbia.

Libait Lâka 3:8

daiwan ba lal ra witin ai mihta kahbaia sa; baha ningkara Dawan wal aisaia tintka watla ba durka lamara, sîpka ba skiru ni sabi ikaia. Bamna prîs nani bal tâlia ba brih, altar pura ba tnaya kir ba srikbia.

Libait Lâka 4:24

Witin ai mihta ba gutska ba lal ra kahbia, Dawan kaiki ba ra; baha ningkara, daiwra ba nana klaki dakbi ikbia, daiwan nani ikaika pliska ra, angkbia saurka daukan ba mana sakripaiska.

Libait Lâka 4:29

Witin daiwra bri balan ba lal ra ai mihta kahbia, baha ningkara aiska angkaika pliska ra bri si nana dakbi ikbia.

Libait Lâka 4:33

Witin ai mihta sîpka ba lal ra kahbia, baha ningkara sakripaiska daukaia daiwra nani ikaika pliska ra bri si, saura daukan ba mana lal dakbi ikbia.

Libait Lâka 5:16

Baha uplika Dawan ra yan dukia pat pura suni swin kan, sâbi alkan ba mana ba aibapaia sa; baha purkara mânka matsip pura praki, witin prîs ra aibapbia. Baha ningkara, pâtkira takan ba sakripaiska daukaia sîpka ba prîs ba brih, sakripais dauki uplika ba saurka mana daukbia, bara uplika ai saurka ba ban swin tikan kabia.

Libait Lâka 5:7

“Saura daukan uplika ba, sîp kum, apia kaka guts kum kra sin atkaia lalahka âpu sa kaka, butku tara wâl, apia kaka butku kau sirpi nani ba wâl brih wabia, Dawan mawanra buaia ai saurka daukan ba mana yabaia. Daiwra kum ba saurka daukan ba mana sakripaiska daukbia, daiwan wala ba aiska angki daukaia sakripaiska ba daukbia.

Libait Lâka 5:9

Tâlia kau wirâ takan ba brih, altar tnaya ba srikbia; bara wîna ba altar lamara bri si, tâlia ba sut taibi saki ba ra laikbia, saurka daukan sakripaiska ba mita baku daukbia.

Libait Lâka 6:25

“Eran ra bara baku sin ai luhpia waitna nani ra wis, upla kum saura daukan saurka mana sakripaiska ba, nahki daukaia tânka ba: Daiwra ba, Dawan kaiki ba pliska ra bri si angkaika ba ra nana klaki dakbia, baha sakripaiska ba tâski âpu pali kaia kulkan sa.

Libait Lâka 6:7

Bara baku prîs ba, baha uplika ba dukiara ani ani saurka kum daukan pâtka ba, ban swih tikaia warkka ba Dawan kaiki ba ra daukbia, bara uplika saura daukan pâtka ba ban swih tikbia.”

Kulki Kaikanka 6:12

bara Nasariu ba baha yua wina ai lâka ba kli sunu kulkbia Dawan uplika sunu kaia dukiara. Tâura witin dîa pramis takan, luan piua ba kli kulkbia apia, kan ai tâwa Dawan ra yaban kata ba tâski takan bamna, baha daukaia witin sîp wainhka kum watawan âpu ba brih balbia ai saurka swih tikaia ba dukiara.

Hibru Nani 11:28

Kasak lukan lâka mita Moses ba Insal luan Yua Liliaka ba dauki, adar yan tala ba dur nani ra srikbi, prura insalka ba Israel luhpia nani luhpia tawahkia kumi ra sin ikbia apia dukiara.

Hibru Nani 12:24

Man nani lika Jisas lamara balram sa, witinka ba lâ raya daukan ba hilpka witin aimaki ba; witin ai tâlia laiki srikban ba ra sin, baha mita Abel tâlia ba purkara kau diara pain nani wan aisi ba.

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.