Libait Lâka 7:18 - DAWAN BÎLA AISKA

¹⁸ Upla kum Dawan wal kli ai uplika takaia sakripaiska daukan daiwra wîna ba, pat yu yumhpa alkan bara upla kum ban baha ba brih pibia kaka, sakripaiska daukan lâka ba bahki kulkan kabia, daiwra wîna ba sin saura takan kulkan sa ba ra. Baha wîna pîsa uplika ba, baha saurka ba kulkuya.

Libait Lâka 7:18 ပူးပေါင်းရင်းမြစ်များ

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Aiseya 65:4

witin nani raiti nani ra takaskisa, bahara yukuwaia watla untika nani ra, tihmia ba luisa; kwirku wîna pîsa, ai dakawa nani ra pilalka ba sin, baha saura pali kulkan ba dukia nani ba brisa.

Aiseya 66:3

Sakuna upla bâra sa bîp wainhka iki sakripais dauki ba, bara waitna kum iki ba sin; sîp mairin kum nana klaki dakbi ba, yul kum nana dusa kriki ba, plun laya prisantka yabi ba sin, bara kwirku tâlia prisantka yabi ba sin; kîa pain angki sakripaiska dauki ba sin, aidul kum ra mayuni ba sin. Bahara misbara kaikaia pura sunra nani ba witin nani dauki ba, witin nani baha dukia nani sut daukaia ba lihkisa.

Jirimaya 14:10

Dawan naku aisisa Israel luhpia nani ba dukiara: “Naha uplika nani na iwi kapras ban tauki kaia lihkisa. Baha mita yang bui witin nani ra yamni kaikras sna. Bamna yang nanara witin nani saura dauki ba luki kaikisna, baha mana ba witin nani ra kulkaia.”

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Isikiel 18:20

Ya saura dauki ba baman prubia. Luhpia ba ai aisika saurka mana aibapbia apia, aisa ba sin ai luhpia saurka mana aibapaia apia. Kasakkira ba ai kasakka lâka mana ba bribia; watawikira ba, ai watawika mana klala bribia.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Libait Lâka 10:17

—¿Dîa kan man nani saura daukan sakripaiska ba, holi daukan pliska kum ra dimi iwi pih banhras kapram? Baha ba holi pali daukan sa, bara Dawan bui baha man nani ra maikan, baku dauki upla nani saurka daukan ba, man nani twilkaia, bara Dawan wina witin nani ai saurka swin tikan lâka ba bribia.

Libait Lâka 10:19

Bara Eran pana witin ra win: —Man nani wals, witin nani bui saura daukan ba sakripaiska bara wîna aiska angki sakripaiska sin naiwa dauki Dawan ra yaban, bara baha takan baku yang ra sin takan. Baha saurka daukan mana sakripaiska yang piri kata kaka, ¿Dawan baha yamni kaikaia kan ki?

Libait Lâka 11:41

“Piuta sâtka kumi sin, lalalwi raswi tauki ba sin pima apia; daiwan saura tâski kulkan sa,

Libait Lâka 17:16

Sakuna witin mita ai wîna tara aiska ba klin daukras kabia kaka, ai kwalka nani sin tuskras kabia kaka, baha watawika lâka mana ba witin twilkbia.”

Libait Lâka 19:5

“Wal kli uplika takaia sakripaiska nani Dawan ra yaia daukisma ba, pain dauks, Dawan yamni kaikaia brin dauki ba kat.

Libait Lâka 20:17

“Upla kum ai lakra ba ai maya bribia kaka, ai yaptika luhpia wal rug daukbia kaka wâlsut ikan kabia. Tawan uplika kaiki kaka, baha ba swira lâka tara bamna, ya baha daukbia ba ai pâtka bribia.

Libait Lâka 20:19

“Rug lâka daukpara yaptikam luhpia mairin ba wal, aisikam lakrika wal sin apia, kan uba wan lamara sa bamna, ya ban daukbia ba wâlsut ai pâtka ba bribia.

Libait Lâka 22:16

Baha pata piaia uplika nani ba swika ban pibia, bara pâtka ba witin nani twilkaia. Yang sika ai Dawanka, witin nani sunu daukri sa.”

Libait Lâka 22:23

Prisantkam man kupiam lâka bîp kum sîp mina ba skahwa kabia kaka, yang brimna apia.

Libait Lâka 22:25

Baku sin tringsar nani tilamra ba wina sin baha sât daiwra piaia maikbia sa kaka, bripara, baha saura, bara baku aitani kulkamna apia.”

Libait Lâka 5:17

“Dawan ai lâka nani mangkan ba mapara mita, upla kum ai dara walras kira saura daukbia kaka, ai dara walras kan sakuna pâtkira kulkan kabia, bara baha pâtka ba witin twilkbia.

Libait Lâka 7:19

“Diara kum tâski kulkan ba ra wîna ba kangbia kaka, baha wîna ba piaia apia sa, sakuna angkaia sa. “Dawan lâka ba kat, sunu takan uplika nani ba lika, baha wîna ba piaia sip sa.

Emus 5:22

Man nani daiwan iki wîna aiska angki, prisantkam nani dauki aikisma ba, kupia kumi lâka ai daukaia dukiara. Yang baha brin ai daukras. Daiwan batanira batanka nani saki angki, kli wal kupia kumi takaia prisantka nani dauki aikisma ba sin brin ai daukras.

Malaquía 1:10

“¡Brin ai daukisa man nani tilam wina upla kum bal taki tempelka durka nani ba prakaia; bara pauta nani bahara kli bahki ra mukaia apia! Kan man nani wal lilia apia sna, bara sakripais aikisma ba sin ban bri kamna apia.

Malaquía 1:13

Man nani aisisma: ‘¡Naha warkka daukan man swapri!’ Baku bahki ai kulkisma. Ba sut dauki man nani ban lukisma, yang lilia kamna daiwan kum impliki, apia kra bîp skahwa, apia kaka siknis ba yang ra aikaia.

Kulki Kaikanka 18:27

Baha matawalsip mânka aikbia ba sika, Israel luhpia nani ai nasla ra plawar mâ ba wina, ai wainka wina sal aikaia kan ba mana brisna.

Luk 16:15

Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Roman 4:11

Ebraham Aisa sainka ba ningkara brin, kasak lukan ba mita Gâd mita witin ra kasakkira kulkan ba tukinka baku. Naha sim natka ra Ebraham lika Aisa sainka briras kuna kasak luki uplika nani sut aisika takan sa, baku bamna Gâd mita param aisisa witin mita sin baha nani ba kasakkira kulkisa.

Hibru Nani 9:28

Baku sin, Kraist ba aima kumi baman sakripais dauki yan kata, upla ailal saurka nani brih sakaia dukiara. Bara witin kli aima wala bal latan takbia, saurka nani brih sakaia dukiara lika apia, sakuna ai bîla kaiki uplika nani ra swaki sakaia.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.