Libait Lâka 6:4 - DAWAN BÎLA AISKA

⁴ pâtkira kulkan kabia saura daukan ba mana. Baha mita baha dukia nani witin impliki brin sapa, apia kaka lâ kat apia dakbi brin kaka, apia kaka diara kum ai uplika witin ra yaban kli yabaia kan ba kli yaras kaka, baha dawanka ra kli yabia sa, upla dukia tiwan kan sakan kaka baha sut sin kli dawanka ra yabia,

Libait Lâka 6:4 ပူးပေါင်းရင်းမြစ်များ

Blasi Sturka 21:25

Sakuna Ebraham bui Abimélec ra marikan liwanhta kum witin ai dukia kan ai mihta dakban ba. Liwanhta ba witin ai dukia kan bara Abimélec albika nani mita ai mihta dakbi brin.

Nihimaya 5:11

Baku sin naiwa mamkabisna ai tasbaya nani ba, ai wainka nasla nani ba, ai batana dusa nani ba bara ai watla nani ba sin witin nani ra kli yama; baku sin ai traska nani ba sut swih tikma, lalah sapa, plawar sapa, wain sapa bara batana laya sapa, witin nani brin sa kaka.”

Job 20:19

Umpira nani ra taibi muni dukia dakbi bara ban lulki swin, utla nani witin mita mâkras kan ba dawanka takan.

Job 24:2

Upla watawikira nani ba ai nasla piarkika ba kitbi lakisa, sîp nani implikisa, ai sîpka nani ba kau ailal daukaia dukiara.

Aiseya 59:6

Ai anansika kiwka nani ba wal kwala paski dimbia kaka, hilpka daukras kabia; witin nani baha ni kwala diman kabia apia. Ai warkka nani ba saurka lâka warkka nani sa: ai mihta warkka nani ba saura baman daukisa,

Isikiel 18:12

upla umpira ai nitka bri nani ra taibi ba, upla wala nani ra impliki ba, ya wina diara brin dukia nani ba kli aibapras ba, witin ai lukanka gâd bahki nani ba ra mangki ba bara yang saura kaikisna dukia nani dauki ba,

Isikiel 18:18

“Ai aisika, upla ra tataibra kan ba, bara implikan ba, bara diara saura daukan ba uplika tilara, prubia bara klala yabanka baku klauna ai saurka mana.

Isikiel 18:7

upla ra taiban lâka munras, ya wina dîa brin ba kli yabisa; upla kumi ra sin implikras; ai britka ba yui brisa ai walka wal, bara ai kwalka ba kwala luha nani ra yabisa;

Isikiel 33:15

bara kli laki yabia dîa brin nani ba, apia kaka dîa implikan nani ba, bara dîa rayaka lâka yabi ba daukbia, bara swibia saura daukaia lâka ba; kasak pali raya kabia, prubia apia.

Isikiel 44:19

Bara kau kutbanka painkira latka tani ba wina taki upla nani ra waras ba ra, ai kwalka nani tempel ra diman kata ba daikaia kan bara tempel rumka nani ra swiaia, bara kwala wala dimaia, baku mika kwala holi lâka ba upla ra lubia apia sîa.

Libait Lâka 24:18

“Upla kum upla wala daiwra ikbia kaka, ikan ba mana pana daiwan wala kum yan kabia.

Libait Lâka 24:21

“Upla daiwra kum ikbia kaka, wala kum kli yan kabia. Waitna kum ikbia kaka, pâtkira kulki ikan kabia.

Libait Lâka 4:12

wibia kaka bîpka aiska ba, tint watla lata tani ra saki, tâski âpu pliska ra yamhpus yakabaika ba ra pauta paski baha sut angkbia.

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Sofonías 1:9

Baku sin baha nani dur purak pâli dimi nani ba, bara baha nani kunin aisi implikan dukia nani ni, ai dawanka watla banhki nani ba sin, klala yabamna baha yua ra.”

Malaquía 1:13

Man nani aisisma: ‘¡Naha warkka daukan man swapri!’ Baku bahki ai kulkisma. Ba sut dauki man nani ban lukisma, yang lilia kamna daiwan kum impliki, apia kra bîp skahwa, apia kaka siknis ba yang ra aikaia.

Kulki Kaikanka 5:7

Bamna baha uplika saura daukan ba ai dahra sâkbia, bara aibapaia sa. Bamna witin ya mapara saura daukan, diara sauhkan ba mana ba kulki saki, kau baha purara kli mânka matsip ba pura praki, bara yaka baha sut uplika ba ra aibapbia.