Libait Lâka 6:27 - DAWAN BÎLA AISKA

²⁷ Diara kum kra dukia kum ra ya baha daiwra wîna tâski âpu daukan ba ni kangbia kaka, dukia ba sin tâski âpu kulkan kabia. Ai prâka dimi ba ra tala srikwi alkbia kaka, tâski âpu kulkan ba pliska ra dimi ai prâka ba tuskbia.

Libait Lâka 6:27 ပူးပေါင်းရင်းမြစ်များ

Impakan Sturka 29:37

Kîa yamni angkaia pliska ba sunu sakaia dukiara yu 7 yamni ba angki kama, bara baku lika kîa yamni angkaia pliska ba sunu daukan kabia. Bara Gâd ra diara yabaia, altarka ba holikira pali daukan kabia: diara sut bahara kangbi ba, sunu sakan kabia.

Impakan Sturka 30:29

Baku diara sut ba sunu sâkma, bara baku lika, diara sut, baha dukia nani ra kangbi, upla sin kangbia ba sunu daukan kabia.

Isikiel 44:19

Bara kau kutbanka painkira latka tani ba wina taki upla nani ra waras ba ra, ai kwalka nani tempel ra diman kata ba daikaia kan bara tempel rumka nani ra swiaia, bara kwala wala dimaia, baku mika kwala holi lâka ba upla ra lubia apia sîa.

Libait Lâka 11:32

“Baku sin dîa dîa nani daiwan pruan ba purara kauhbia ba, baha tâski kulkan kabia. Dus kum, kwala pîs kum, daiwan taya kum, bîk kum, wark daukaia dukia kum kra, liura swin kabia, bara tihmia kat tâski kulkan kabia, baha ningkara klin daukbia bara sunu takbia.

Libait Lâka 6:18

Naha lâka daukan na, Eran kiamka nani prîs aimaki kabia ba piua sut, lâka na kulki ban kabia, Dawan ra plun nani prisant yaban, angkan tâka kau swin ba, baha witin nani piaia bribia. Dîa dîa diara wala nani baha prisantka nani kangbia kaka dukia ba sin, sunu kulkan kabia.”

Libait Lâka 7:19

“Diara kum tâski kulkan ba ra wîna ba kangbia kaka, baha wîna ba piaia apia sa, sakuna angkaia sa. “Dawan lâka ba kat, sunu takan uplika nani ba lika, baha wîna ba piaia sip sa.

Hageo 2:12

“Naku wibia kaka, wîna sakripais dauki pat yamni munan ba, upla kum ai prâka ra yukuki brih auya kaka, bara prâka mahta ba brit ra, wain ra, batana laya bara plun wala nani sut ra kangbia ba ra, ¿baha mita pata nani ba yamni munan sa ki?” Bara prîs nani ba bîla apia win.

Matiu 14:36

Witin ra makabi banhwi kan ai prâka tâ pan yarka kangbaia; bara baha kangban ba sut rawi banhwan.

Matiu 9:21

kan witin naku luki kan: “Ai prâka tâ pan kangbamna kaka, rawamna.”

2 Korint 7:1

Baku bamna, muihki laitwankira nani, naha sika pramiska nani yang nani brisna ba. Bamna wan wîna bara wan spiritka sut ba tâski âpu klin bri kap; bara Gâd sibrinka ra, yawan na aiska holikira takaia sa.

2 Korint 7:11

Sarka lâka man nani wauhram ba lika, Gâd pain kaikan ba tânka kat sa; ¡bara nanara dîa baha wina takan ba kaiks! Diara briaia dukiara kupiam wilin sakan, bara dîa dauki banhram ba dukiara sin tânka aisaia; baha mita kupiam sauhki banhwan bara sibrin sin mai dingkan. Kuna ningkara man nani ai kaikan mai daukan, bara ridi pali kapram ya saura daukan ba klala yaia. Naha diara sut na tilara, man nani latan marikram pâtkira mai kulkaia tânka âpu sa.