Libait Lâka 6:22 - DAWAN BÎLA AISKA

²² Eran kiamka nani wina Eran watlika ra prîs tara lâka ra mangki ba ra, baha yua ba baku dauki kabia. Piua bani, prîs tara Dawan warkka ra mangki ba piua ra, sakripais prisantka nani angki baku prisantka sut pali angkbia.

Libait Lâka 6:22 ပူးပေါင်းရင်းမြစ်များ

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Oseas 4:8

Upliki nani saura dauki ba lal mana wina, witin nani raya sa; baha mita witin nani brin daukisa, upliki nani ba kau saura dauki kabia.

Libait Lâka 3:17

“Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Libait Lâka 4:24

Witin ai mihta ba gutska ba lal ra kahbia, Dawan kaiki ba ra; baha ningkara, daiwra ba nana klaki dakbi ikbia, daiwan nani ikaika pliska ra, angkbia saurka daukan ba mana sakripaiska.

Libait Lâka 4:3

“Prîs ba bahmuna saurka daukan kaka, bara baha wal tawan uplika nani baku pâtkira takan sa kaka, witin bîp kum watawan âpu pali ba iki, saura daukan ba mana sakripais daukbia.

Libait Lâka 6:10

Wîna ambia ba ningkara, prîs ba ai prâka, ai draska sut pihni pali dimi, bara daiwan aman yamhpuska nani ba sut, altar purara ba wina saki, altar tnaya ra laki swibia.

Libait Lâka 6:11

Baha ningkara ai kwalka diman ba kli daiki saki, kwala wala dimi, bara yamhpuska ba watla lata tani ra plis kum tâski âpu ba ra bri si swibia.

Libait Lâka 6:21

Sakuna brit angkaia pânka kum ra batana laiki mangki, pîs sirpi ra klaki bara kîa yamni prisantka painkira, Dawan kiawali ba dauki yabia.

Libait Lâka 6:23

Prîs nani mangkaia prisantka nani brih aula ba, sut pali angki kaia sa, upla kumi sin baha wina brih piaia apia.”

Libait Lâka 8:21

baha ningkara biara nani bara kuhma nani ba sikbi klin saki, baha nani sin sut angkan. Kîa pain Dawan brin dauki ba baku daukan, witin mita baku daukaia adar win ba kat dauki.

Kli Smalkanka 10:6

(Israel luhpia nani ba Beerot-bené-jaacán wina taki Moses ra waia impakan. Bahara Eran pruan bara bikan, bara ai luhpia Eleazar witin pliska ra prîs aimakan.

Hibru Nani 7:23

Prîs wala nani ba ailal kata, kan witin nani ba pruan bara ai warkka ba sip ban daukras kan.