Libait Lâka 6:18 - DAWAN BÎLA AISKA

¹⁸ Naha lâka daukan na, Eran kiamka nani prîs aimaki kabia ba piua sut, lâka na kulki ban kabia, Dawan ra plun nani prisant yaban, angkan tâka kau swin ba, baha witin nani piaia bribia. Dîa dîa diara wala nani baha prisantka nani kangbia kaka dukia ba sin, sunu kulkan kabia.”

Libait Lâka 6:18 ပူးပေါင်းရင်းမြစ်များ

Impakan Sturka 29:37

Kîa yamni angkaia pliska ba sunu sakaia dukiara yu 7 yamni ba angki kama, bara baku lika kîa yamni angkaia pliska ba sunu daukan kabia. Bara Gâd ra diara yabaia, altarka ba holikira pali daukan kabia: diara sut bahara kangbi ba, sunu sakan kabia.

Libait Lâka 3:17

“Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Libait Lâka 4:24

Witin ai mihta ba gutska ba lal ra kahbia, Dawan kaiki ba ra; baha ningkara, daiwra ba nana klaki dakbi ikbia, daiwan nani ikaika pliska ra, angkbia saurka daukan ba mana sakripaiska.

Libait Lâka 4:3

“Prîs ba bahmuna saurka daukan kaka, bara baha wal tawan uplika nani baku pâtkira takan sa kaka, witin bîp kum watawan âpu pali ba iki, saura daukan ba mana sakripais daukbia.

Libait Lâka 4:33

Witin ai mihta sîpka ba lal ra kahbia, baha ningkara sakripaiska daukaia daiwra nani ikaika pliska ra bri si, saura daukan ba mana lal dakbi ikbia.

Libait Lâka 6:10

Wîna ambia ba ningkara, prîs ba ai prâka, ai draska sut pihni pali dimi, bara daiwan aman yamhpuska nani ba sut, altar purara ba wina saki, altar tnaya ra laki swibia.

Libait Lâka 6:19

Dawan ba Moses ra aisi, naku win:

Libait Lâka 6:27

Diara kum kra dukia kum ra ya baha daiwra wîna tâski âpu daukan ba ni kangbia kaka, dukia ba sin tâski âpu kulkan kabia. Ai prâka dimi ba ra tala srikwi alkbia kaka, tâski âpu kulkan ba pliska ra dimi ai prâka ba tuskbia.

Libait Lâka 6:29

“Baha sakripaiska ba diara kum tâski âpu pali kulkan sa. Bamna prîs nani ba baman baha wina piaia sip sa.

Libait Lâka 7:6

Bara prîs nani sut ba baha ba piaia sip sa, sakuna plis holikira kum ra daukaia sa, kan baha ba diara holikira pali kum sa bamna.

Kulki Kaikanka 18:10

Man nani tilamra upla nani ba sut sip kabia baha wina piaia, upla nani ai prisantka diara nani brih aula ba. Sakuna sunu daukan pliska kum tâski âpu ba ra pibia, kan diara nani ba tâski âpu daukan ba mita.

Kulki Kaikanka 18:8

Dawan bui Eran ra win: “Upla nani ai prisantka aikaia ba mihtam ra swiri sa. Israel luhpia nani diara sut yang ra aikaia aihka saki ba, man ra maikisna, luhpiam nani ra sin. Baha ba man nani briaia kulkan sa; naha lâka na baku kulki ban kabia.

1 Korint 9:13

Man nani kaikisma tempel warkka dauki uplika nani ba, tempel wina ai pata pîsa. Wibia kaka, baha nani altar ra sakripais nani dauki yabi banhwi ba, bahara daiwan nani iki sakripais dauki yabi ba wina, wîna ba pi banhwaia sip sa.

1 Pita 1:16

Kan Ulbanka ra wisa: “Man nani holikira bas, yang na holikira sna bamna.”

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.