Libait Lâka 5:4 - DAWAN BÎLA AISKA

⁴ “Upla kum pain ai dara wali luki kaikras kira, diara kum yamni, apia kra saura kum kra daukaia dukiara swer taki aisin, sakuna baha minitka ra kau ai tânka briras kan, ningkara witin ai dara walan ba ra, baha swer taki aisin saurka ba mana pâtkira kulkan kabia.

Libait Lâka 5:4 ပူးပေါင်းရင်းမြစ်များ

2 Samuil 21:7

Witin Mefi-bóset, Janatan luhpia, Saúl mulika ba dukiara lika ai kupia swapni takan, aisika Janatan wal kasakka lâka ra swer takan ba mita.

2 King Nani 6:31

Bara king ba wini aisin: “¡Gâd bui yang ra klala aikbia naiwa, yang bui Ilaidsa Safat luhpia waitna nana ba dakbras kamna kaka!”

Lawana Nani 106:33

baku bamna spiritka ba tahpla takan, bara witin aisin ba luki kaikras aisin.

Libait Lâka 5:13

Prîs ba baku dauki natka ra saura daukan uplika saurka ba ban swih tikaia lâka ba daukbia, bara saurka ba ban swin tikan kabia. Plun nani bri sal sakripais dauki ba, pata nani sut sakripais daukras kau swin ba, baha lika prîs nani ra yabia.”

Libait Lâka 5:3

“Upla kum bui upla wala wîna tara tâski kulkan kan ba ra kangbia, apia kaka wîna kum tâski ba kangban kaka, diara wala kra kabia sin, tâski kulkan kan ba ai dara walras kira kangban sa kaka, witin ai dara walbia bara witin ra saurka ba kulkan kabia.

Kulki Kaikanka 30:6

“Mairin kumi witin ai dahra yamni walras, pramis daukisa Dawan ra, apia kaka wal pramis takan ningkara witin ba ai maya brin,

Kulki Kaikanka 30:8

Sakuna ai maya waitna baha ba walan ba ra, âu takras sa kaka, pramis Dawan ra win ba witin daukaia apia sa, bara Dawan mita sin baha aitani kulkbia.

Matiu 14:7

bara swer taki pramis munan, dîa dîa makabia ba witin ra yabaia.

Matiu 14:9

Naha walan ba ra, king ba sari pali takan; sakuna swer taki aisin kan, bara paiwan uplika nani ba sin baha aisan ba walan kan bamna, adar yan witin ra baha yabia.

Mark 6:23

Pramis munan witin wilin sa dîa makabia ba yabaia; ai mihta ra tasba alki bri yaba bakriki kabia sin, yabaia win.

Apastil Nani Sturka 23:12

Yu wala titan, Ju nani asla taki swer taki kira lâ daukan, witin nani plun pibia apia, diara sin dibia apia, Pal ikbia ba kat.

Jasua 2:14

Bara waitna nani ba pana witin ra win: —Yang nani rayaki pali ni man nani rayakam pali ba dukiara aisamna, yang nani nâra balri na dukiara man bîlam wina upla wala ra aisaras pali kama kaka. Dawan naha tasbaya na yang nani ra aikbia ba ra, kasak lukanka ba praiska wal, kunin âpu lâka ra yang nani bui man ra yamni mai munamna.

Jasua 9:15

Bara Jasua lika witin nani aikuki kupia kumi takaia lâka kum daukan, pramis munan ikaia apia pâtka kulkaia apia; bara Israel wihta tara wala nani ba sin baku daukaia swer takan.

Wihta Nani 11:31

yang war wina kli tawi balamna ba ra, ya pas tâura yang waitla bîla wina taki yang ra balbia ba laikula daukaia, uplika ba aiska angki, sakripaiska dauki maikamna.”

Wihta Nani 21:18

Sakuna yawan wan luhpia mairin nani lika sip baha waitnika nani ra maya baikras, kan yawan Israel luhpia nani sut wan luhpia mairin nani dukiara Dawan ra swer taki aisin, witin nani ba Benjamín kiamka waitnika nani ra lika maya baikaia apia, baha lahtuban lâka bara swira lâka ra saura kulkan ba mita.

Wihta Nani 21:7

¿Yawan dîa daukaia, ani wina mairin nani sakaia, Benjamín kiamka waitna nani kau raya nani ba maya baikaia? Yawan nani Dawan ra pat swer takan, wan luhpia mairin nani lika baha waitnika nani ba wal maya baikaia apia win.

Wihta Nani 9:19

Sakuna yang bui naiwa man nani ra wisni: Man nani Jerubaal watla bîla uplika nani ra kasakka lâka ra kunin luha yamni munram sa kaka, Abimélec wal diara sut ba yamni takbia bara man nani wal sin diara sut yamni baman takbia;

1 Samuil 1:11

bara Dawan ra witin pramis daukan: “Dawan karnika sut pali brisma ba, albikam mairin kupia kriwan na maisa nihkaia yamni lukisma kaka, yang ra luks bara luhpa waitna kum aik, bara ai rayaka yua nani sut ra witin ba man warkkam ra maikamna, bara tukinka ba lika ai tâwa ba klakan kabia apia.”

1 Samuil 25:22

Bamna witin swer takan: “¡Dawan mita karna lawi ai daukbia nanara wina yu baiwbia ba kat, ai inmanka nani sut aikuki âpu daukras kamna kaka!”