Libait Lâka 5:3 - DAWAN BÎLA AISKA

³ “Upla kum bui upla wala wîna tara tâski kulkan kan ba ra kangbia, apia kaka wîna kum tâski ba kangban kaka, diara wala kra kabia sin, tâski kulkan kan ba ai dara walras kira kangban sa kaka, witin ai dara walbia bara witin ra saurka ba kulkan kabia.

Libait Lâka 5:3 ပူးပေါင်းရင်းမြစ်များ

Isikiel 44:27

Aima wala ra tempel kutbanka painkira latka ba bîla tani ra dimi banhbia bâra wark daukaia, saurka lâka tâwan sakripais kum daukaia kabia. Yang, Dawan ba, baku adar yabisni.

Libait Lâka 13:3

Prîs bui sukwanka ba pain pali laki kaikan kabia, tamaya taya purara ba pihni kabia kaka, sukwanka ba kau pakni kabia sa kaka, baha ba kasak pali lipar sa. Baha ningkara, baha kaikan prîska ba uplika ba ra param wiaia sa, bara tâski kulkan kabia.

Libait Lâka 5:2

“Upla kum diara kum tâski kulkan kan ba ai tânka briras ai mihta ni kangbi kaka, tâski kulkan daiwra kum pruan kan wîna ra, daiwan wail kan, apia kaka daiwra ba tim kan sapa, apia kra ai biara purara kwasi daiwra kata sapa, sakuna diara tâski ra kangban bamna, witin sin tâski kulkan kabia.

Libait Lâka 5:4

“Upla kum pain ai dara wali luki kaikras kira, diara kum yamni, apia kra saura kum kra daukaia dukiara swer taki aisin, sakuna baha minitka ra kau ai tânka briras kan, ningkara witin ai dara walan ba ra, baha swer taki aisin saurka ba mana pâtkira kulkan kabia.

Libait Lâka 7:21

“Dawan lâka kat diara kum upla wîna ra, daiwan wîna ra, apia kra diara wala kum ra tâski kulkan ba, upla kum baha tâskika ba kangbuya ba ra, Dawan wal kli wan uplika takaia sakripaiska daukbia, Dawan ra yaban daiwra wîna ba wina pibia uplika ba, upla nani tila wina ai mawan ba tikbia.”

Kulki Kaikanka 19:22

Tâski kulkan uplika ba, dîa dukia ra kangbia ba sut lika, tâski kulkan kabia. Ya ya tâski uplika kum ra alkbia kaka, witin sin tutni kat tâski kulkan kabia.”