Libait Lâka 5:2 - DAWAN BÎLA AISKA

² “Upla kum diara kum tâski kulkan kan ba ai tânka briras ai mihta ni kangbi kaka, tâski kulkan daiwra kum pruan kan wîna ra, daiwan wail kan, apia kaka daiwra ba tim kan sapa, apia kra ai biara purara kwasi daiwra kata sapa, sakuna diara tâski ra kangban bamna, witin sin tâski kulkan kabia.

Libait Lâka 5:2 ပူးပေါင်းရင်းမြစ်များ

Lawana Nani 19:12

¿Ya witin ai swakwanka nani tânka briaia sip sa? ¡Yukuwan ra daukri pâtki nani daira walras sna ba, baha wina man klir ai sâks!

Aiseya 52:11

¡Bal taks, bal taks man nani Babilon wina baha nani tila wina bal taks, diara tâski ba kangpara, man nani Babilon wina taks! ¡Sunu taks man nani bui Dawan ra sakripais dauki yaia watlika nani twilkisma ba!

Libait Lâka 11:11

Wîna ba sin piaia apia; saura kulkan kaia, pruan kaka saura kulkaia.

Libait Lâka 11:8

“Baha daiwra nani ba pibia apia; pruan kaka, wîna sin kangbaia apia. Daiwan tâski nani kulkaia sa.

Libait Lâka 4:13

“Israel luhpia nani sut ai tânka briras kan witin nani sin ban kra ai dara walras, saura daukan kaka tânka Dawan lâka mapara daukan bara baku witin nani pâtkira takan sa kaka,

Libait Lâka 5:17

“Dawan ai lâka nani mangkan ba mapara mita, upla kum ai dara walras kira saura daukbia kaka, ai dara walras kan sakuna pâtkira kulkan kabia, bara baha pâtka ba witin twilkbia.

Libait Lâka 5:3

“Upla kum bui upla wala wîna tara tâski kulkan kan ba ra kangbia, apia kaka wîna kum tâski ba kangban kaka, diara wala kra kabia sin, tâski kulkan kan ba ai dara walras kira kangban sa kaka, witin ai dara walbia bara witin ra saurka ba kulkan kabia.

Libait Lâka 5:4

“Upla kum pain ai dara wali luki kaikras kira, diara kum yamni, apia kra saura kum kra daukaia dukiara swer taki aisin, sakuna baha minitka ra kau ai tânka briras kan, ningkara witin ai dara walan ba ra, baha swer taki aisin saurka ba mana pâtkira kulkan kabia.

Libait Lâka 7:21

“Dawan lâka kat diara kum upla wîna ra, daiwan wîna ra, apia kra diara wala kum ra tâski kulkan ba, upla kum baha tâskika ba kangbuya ba ra, Dawan wal kli wan uplika takaia sakripaiska daukbia, Dawan ra yaban daiwra wîna ba wina pibia uplika ba, upla nani tila wina ai mawan ba tikbia.”

Hageo 2:13

Bara Hageo kau ban makabi wali kan: “Upla kum, upla pruan ra kangban tâski kulkan ba, witin wih baha pata nani ra sin kangbi ba, ¿baha pata nani ba tâski daukan kabia ki?” Bara prîs nani pana âu win.

Kulki Kaikanka 19:22

Tâski kulkan uplika ba, dîa dukia ra kangbia ba sut lika, tâski kulkan kabia. Ya ya tâski uplika kum ra alkbia kaka, witin sin tutni kat tâski kulkan kabia.”

Luk 11:44

“¡Alai pali kabia man nani ra! Kan man nani lika raiti yukuwan ra ba baku, upla mita purak ai dara walras wapi lui ba baku sma.

2 Korint 6:17

Bamna witin bila sin: “Witin nani lilapaska ba wina dakwi taki bal taks, Dawan bila; diara tâski ba kangbi banhpara. Bâra mika yang mita mai brimna,

Kli Smalkanka 14:8

“Kwirku ba tâski kulkaia, asmala baikan brisa kuna wakabras. Baha ba tâski kulki banhwaia sma. Naha daiwra wînka pipara, wîna pruan ba sin kangpara.