Libait Lâka 3:9 - DAWAN BÎLA AISKA

⁹ “Kiskamka wal bara batanka nani purara alki ba, nina dusa purara batanka ba, âuya purara batanka ba nani sut ba saki, kiskama nani wâl ba bribia,

Libait Lâka 3:9 ပူးပေါင်းရင်းမြစ်များ

2 Samuil 6:17

Dawan lâka auhbaia watla ba brih wan bara ai pliska ra mangkan tint watla bilara, Debit bui pliska pat ridi daukan ba kat. Baha ningkara, kli wal wan uplika takaia lâka ba Dawan lamara daukaia dukiara, daiwan wîna aiska angkan sakripais nani sin daukan,

1 King Nani 3:15

Bamna Salaman yapi si kupia krawan buan, bara ai dahra walan baha ba yaprisauhkan kata. Bara witin Jerusalem ra bal Dawan lâka auhbaia watla ba mawanra buan, bara kli wal wan uplika takaia bara aiska angkan ba daukan, ai albika nani sut dukiara pata tara kum sin daukan, sakripaiska kîa yamni ba daukan. Baha ningkara ai albika nani sut dukiara plun tara kum sin daukan.

1 King Nani 8:63

Baku ba ra king Salaman, kumi wal kli uplika takaia sakripais Dawan ra daukaia dukiara, bîp bul nani 22,000 bara sîp nani 120,000 yan kata. Naku sika king bara Israel luhpia nani sut wal aikuki, utla ba Dawan mihta ra mangkan.

1 King Nani 8:64

Baha pali piua ra, king bui kutbanka painkira tempel lilapas kan ba, baha ba Dawan watla ba mawan tani ra kata ba Dawan mihta ra mangkan. Bahara aiska angkan sakripaiska nani daukan, plun mâ nani prisantka, daiwan batanka ba, kli wal uplika takaia natka nani ba sin. Kan bras altarka Dawan kaiki ba sirpi kan, bahara sip aiska angkaia sakripaiska ba, plun mâ nani prisantka ba, daiwan batanira angki daukaia, kli wal uplika takaia sakripais nani ba alkras kan.

1 Kronikas 16:1

Gâd lâka auhbaia watla ba bri si tint watla ra dingkan, baha sika Debit bui daukan kata baha dukiara. Ningkara daiwan wîna angki, kîa yamni dauki kan, Dawan wal kli uplika takan lâka ba dukiara.

Impakan Sturka 29:22

“Bara sîp wâika ra batanka nani ba, biara sirpika batanka ba, âuya ra batanka, kiskamka wâl ba sin, batanka nani sut bris, kuhma aihkika ba, kan baha sîpka ba prîs nani ba sunu daukaia sîpka bamna.

Sins Lâka 23:26

Man bui yang ra aiska aman wali bas, yang luhpi; namkra nani sin yarka yang yabalki nani yamni kaiki kabia.

Aiseya 53:10

Dawan baku lukan witin ba baku rausauhkan ni taibaia. Bara baku witin ai wîna ba yan saurka nani ba tâwan sakripais daukaia, witin ai rayaka ba yari kabia bara ai kiamka nani ba kaikbia, witin ai warkka nani daukbia mita Dawan dîa dauki ba sut yamni takbia.

Libait Lâka 17:5

Naha lâka tânka na sika, Israel luhpia nani ai daiwra nani plis wala ra iki kan ba. Nanara baha nani sut Dawan wal aisaia tintka watla lamara bri sal iki kaia sa. Nanara daiwan nani ba witin nani prîs ra bri balaia sa, bara prîs ba mita kli wal upliki takaia sakripaiska dauki kabia.

Libait Lâka 7:3

Daiwra wâika dusa batanka ba, biara bilara batanka nani ba sut sâkbia,

Libait Lâka 8:25

Baha ningkara daiwra batanka ba, witin wâika ba, biara bilara batanka nani ba, âuya purara batanka alki nani ba, kiskama wâl ba, kuhma aihkika ba sin brin.

Libait Lâka 9:19

Baku sin bîp wainhka batanka nani ba yan, sîp wâika ba sin, biara batanka, kiskamka nani âuya bara batanka bri nani ba sut,

Kulki Kaikanka 7:88

Kli wal ai uplika takaia dukiara sakripais yaban daiwra nani ba lika sut ba ra bîp lupia 24, sîp wainhka 60 bara guts wainhka 60 kan, sut ba mani kum daiwra atia. Naha prisantka nani na sika altar Dawan mihta ra mangkan ba ra yus munan ba, baha holi daukan ba ningkara.

1 Samuil 10:8

Bara Guilgal kainira was; yang bâra wamna man wal prawaia, bahara wîna aiska angkaia, wal kli uplika takaia sakripaiska nani ba sin daukaia. Yu 7 bîli kaiki bas, yang wamna ba kat, bara yang bui mai wimna dîa daukaia sma ba.