Libait Lâka 3:3 - DAWAN BÎLA AISKA

³ “Ani uplika ai daiwra angki kli wal ai uplika takaia sakripaiska kum daukaia brih aula ba, naku dauki Dawan ra yabaia sa, angki daukan prisantka kum ba, biara batanka nani,

Libait Lâka 3:3 ပူးပေါင်းရင်းမြစ်များ

Lawana Nani 119:70

Witin nani ai sinska ba sriman, sakuna yang lika lâmka smalkanka ba wal lilia takisna.

Impakan Sturka 29:13

Biara sirpika ra, âuya ra, kiskamka ra, batanka nani ba sut saki altar purara angkma.

Impakan Sturka 29:22

“Bara sîp wâika ra batanka nani ba, biara sirpika batanka ba, âuya ra batanka, kiskamka wâl ba sin, batanka nani sut bris, kuhma aihkika ba, kan baha sîpka ba prîs nani ba sunu daukaia sîpka bamna.

Sins Lâka 23:26

Man bui yang ra aiska aman wali bas, yang luhpi; namkra nani sin yarka yang yabalki nani yamni kaiki kabia.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Isikiel 36:26

man nani ra kupia raya kum mangkamna bara spirit raya kum sin mangkamni. Man nani wina sakamna kupia karna walpa baku ba, bara kupia swapni mangkamna.

Isikiel 44:15

“Libait nani prîs takan Sadoc kiamka nani ba, tempelka ra ban wark dauki kan Israel luhpia nani tnaya ra taki wan ba ra, sip kabia laimara balaia duki daukaia. Witin nani maiwanra balbia bara batanka nani ba tala ba sakripais dauki aikbia. Yang, Dawan ba, baku adar yabisni.

Libait Lâka 1:12

Baha ningkara sakripais dauki waitnika ba, daiwra wîna ba pîs sirpi nani ra klakbia, bara prîs ba bal, wîna klakan ba, lal batanka ba, biara nani ba sut brih, altar purara pauta paski swin ba purara kahbia.

Libait Lâka 1:8

daiwan wîna sirpi klakan nani ba, lal, batanka, biara sirpika nani sut pauta klauhan ba purara kahbaia dukiara.

Libait Lâka 16:25

Daiwra batanka ba, saurka swih tikaia altarka ba ra angkan kabia;

Libait Lâka 3:16

Ningkara prîs ba baha nani sut brih, altar ra angkbia, plun angkaia prisantka, kîa painkira Dawan kiawali ba, baha batanka nani sut ba witin bribia.

Libait Lâka 3:2

Uplika ai prisantka dauki yabaia aula ba, witin ai mihta ba daiwra ba lal ra kahbaia sa; baha ningkara, Dawan wal aisaia Tintka watla durka lama ba kat, skiru ni sabi ikbia. Bara prîs nani ai warkka ba daukbia, tâlia ba brih altar pura ba tnaya ba kir sin srikbia.

Libait Lâka 3:4

kiskamka nani batanka, biara bîla batanka, âuya batanka nani ba, baha nani sut ba kiskamka nani ba sut sâkbia.

Libait Lâka 4:10

Bîpka wainhka kum ikan ba, baha ni kli wal ai uplika takaia prisantka dauki yabia, wîna batanka nani sut sakan ba, prîs ba baha dukia nani sut brih angkbia altar ba purara.

Libait Lâka 7:30

Upla kum ai prisantka Dawan kaiki ba ra, angkaia pliska ra bri aula ba, prisant yabaia lâka ra nahki dauki yabaia win ba kat daukbia. Witin daiwra lamkuka ba, batanka ba sin ai mihta ni alki brih, Dawan mawanra balbia.

Libait Lâka 7:5

Bara prîs baha dukia nani ba altar purara Dawan ra yamni kulki prisantka dauki angkbia.

Libait Lâka 9:10

Bara daiwra wîna ba wina batanka nani ba, kiskama nani ba, âuya purara batanka alki nani ba sut saki altar ba purara upla saurka mana sakripais angkan. Moses ra Dawan mita baku daukaia win ba baku daukan.

Matiu 13:16

“Sakuna yamni pali sma man nani, kan namkra ni kaikisma, kiamam ni sin walisma bamna.

Matiu 15:8

‘Naha uplika nani ai bîla ni baman ai kulkisa, sakuna ai kupia nani lika yang wina laihura sa.

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Roman 6:6

Yawan kaikisa, kaina piua ra yawan dîa kata ba lika Kraist wal dus prihni ra saban, baku mika saurka wan wîna tara ra ba sauhki tikan kabia, bara kli baha albika kaia apia dukiara, saurka lâka bîla wali dauki kaia wan wihtka kum baku.

Kli Smalkanka 30:6

Man nani kupiam ra lâ aisi daukan sainka ba mangkbia bara kiamkam nani ra sin, bara kupiam wina bara sulkam aiska ni latwan kaikma raya kaia dukiara.

1 Samuil 2:15

Baha purkara sin, wîna batanka ba kau altar ra angkras kan ba ra, prîs albika waitna ba wih bara aisi kan sakripais dauki ba waitnika ra: “Wîna aik prîs ra angki yaia; wîna pat piakan ba bribia apia, sakuna wîna raya ba lika.”