Libait Lâka 3:12 - DAWAN BÎLA AISKA

¹² “Prisantka yabaia daiwra ba guts kum brih aula sa kaka, Dawan kaiki ba ra bri balbia.

Libait Lâka 3:12 ပူးပေါင်းရင်းမြစ်များ

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 53:6

Yawan nani sut, sîp baku wan mawahkan, kumi bani ai yabalka ra tawi wan; sakuna Dawan ba, yawan nani sut wan saurka ba, witin ai purara sunan.

Libait Lâka 1:10

“Daiwan wîna aiska angki prisant yabaia daiwra ba, waitnika ba witin ai sîpka bara ai gutska daknika ba tila wina, daiwan wainhka kum sunu ba bri balaia sa,

Libait Lâka 1:2

“Israel luhpia nani aikuki aisi, witin nani ra wis, upla kum daiwan nani prisant aikaia bri balbia ba, witin ai daiwra nani daknika ba tila wina saki bri balbia.

Libait Lâka 1:6

Uplika witin baha daiwra wîna aiska angkaia bri balan ba taya ba takbi sâkbia, bara wîna ba sin pîs sirpi ra klakbia,

Libait Lâka 10:16

Bamna Moses, Eran luhpia wâl ba ra walan, guts luhpia kum saurka daukan mana sakripaiska ba dukiara bara pat angkan kata. Bamna witin Eleazar bara Itamar wal ra saura lawi dauki, win:

Libait Lâka 3:1

“Upla kum Dawan wal kli ai uplika takaia sakripaiska daukisa kaka, witin ai daiwra ba wina bîp mairin kum, apia kaka wainhka kum bri balaia sa, sakuna daiwra aiska ba watawan sirpi kumi sin âpu kaia sa.

Libait Lâka 9:15

Israel luhpia nani ai prisantka bri balan ba sin, Eran brin. Guts luhpia ba brin, upla saura daukan ba mana sakripais dauki yaia. Baha ikan prisant baku dauki yaia, sakripais tâura pat daukata ba baku daukan.

Libait Lâka 9:3

Bara Israel luhpia nani ra wis, witin nani sin guts wainhka kum bri balbia saura daukan ba mana yabaia, bîp lupia sin kum, sîpka ba mani kum bri kaka, wîna ra watawan âpu kaia sa, baha wîna ba aiska angki Dawan ra prisantka yabaia.

Kulki Kaikanka 15:6

Sîp wainhka luhpia kum sakripais daukisa kaka, plawar 4 paun prais brih, batana laya litro kum laiki akbi bri balbia.

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.