Libait Lâka 27:26 - DAWAN BÎLA AISKA

²⁶ “Bara daiwan ai tawahkia baikan ba, Dawan dukia kabia, kan baha pas baikan bamna, upla kumi sin baha daiwra ba Dawan ra yabaia brih wabia apia, bîp luhpia kabia kra, sîp luhpia kabia kra, baha pas Dawan dukia sa.

Libait Lâka 27:26 ပူးပေါင်းရင်းမြစ်များ

2 King Nani 7:5

Baku bamna, yu dimuya kan witin nani Siria uplika nani kiampka ra wan. Bara pat Siria uplika nani kiampka ra auya kan ba ra, ai dahra walan bahara upla kumi sin âpu kan.

Nihimaya 10:36

baku sin luhpi nani tawahkia nani bani ba, bara daiwan nani tawahkia ba sin, lâ ra ulban ba baku, bîp tawahkia nani, sîp tawahkia nani sut, Gâd watla ra bri balbia, prîs nani Dawan warkka dauki ba lamara.

Impakan Sturka 13:2

“Luhpia tawahkia bani ba aihka saki yang ra bri bal. Upla bara daiwan luhpia tawahkia bani ba, yang duki sa.”

Impakan Sturka 22:30

bîpkam nani, sîpkam nani luhpia tawahkia ba sin yang ra aikaia sma. Witin nani sip sa ai yaptika wal kaia wik kum, kuna lapta 8 alki yua ba yang ra sal aikaia sma.

Libait Lâka 27:27

Daiwan kum tâski kulkan ba bri balbia kaka, praiska kulkan ba kat bribia, sakuna baha purara manka matsip kulkan ba sin aibapbia. Sakuna baha praiska pura prakan ba wal witin atki sakaia apia wibia kaka, dîa mana kulkan ba kat daiwra ba upla wala ra atkbia.

Kulki Kaikanka 18:17

Sakuna daiwan nani tawahkia nani pura mana aibapaia lâ daukpara, kan baha nani ba ikaia sakripais daukaia sa, bîp nani ba, sîp nani bara guts nani ba sin. Baha nani ba apahki bris, yang duki, bara man ikaia kama, bara tâlia ba lika aiska angkaia altarka purara bri si laikma, bara batanka ba sin, ai prisantka kîa pain angki aikuya baku kabia.

Kulki Kaikanka 3:13

tawahkia nani sut ba lika yang briri, Idsip tasbaya ra tawahkia nani sut ikri ba yua wina, bara Israel ra tawahkia bani ba, upla nani bara daiwan nani tawahkia sin sut. Bamna tawahkia nani ba yang briri. Yang sika Dawan.”

Kli Smalkanka 15:19

“Daiwan wainhka tawahkia, bîp, apia kaka sîp nani wina aisubi takbia ba, Dawan Gâdkam dukiara holikira kulkaia sma. “Bîp luhpia wainhka tawahkia aisubia ba wark dingkpara, sîpkam luhpia tawahkia ba sin tâwa irpara.