Libait Lâka 26:45 - DAWAN BÎLA AISKA

⁴⁵ Ban sakuna, kupi krauki kamni lâ nani witin nani aikuki daukri ba, Idsip wina sakri piua ra nisan nani mawanra witin nani Gâdka kaia. Yang sika Dawan.”

Libait Lâka 26:45 ပူးပေါင်းရင်းမြစ်များ

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 26:24

Bahara tihmia ra Dawan ba witin ra latan takan, bara win: “Yang sika man aisikam Ebraham Gâdka, man si bripara, kan yang lika man wal sna, yang naipakan Ebraham dukiara luki yamniki maikamni bara kiamkam sin ailal daukamni.”

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

Blasi Sturka 9:15

bara yang lâika daukri ba kupi kraukamni, man nani wal bara daiwan nani tasba ra ba wal sin. Kli lisamra tara laya nani ba balbia apia, baha nani sut sauhki tiki ba.

Lawana Nani 106:45

witin ai kupia kraukan baha nani wal lâ daukata ba; bara ai lukanka kata ba lakan, kan ai latwanka lâka ba tara pali sa bamna;

Impakan Sturka 2:24

Bara witin ai kupia krawan Ebraham, Aisak bara Jekob aikuki lâ daukan lâka ba dukiara.

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Impakan Sturka 6:8

Ebraham ra, Aisak ra bara Jekob ra yaia pramis munri ba tasbaya ra mai brih wamna, bara tasbaya ba man nani dukiam maikamni. Yang sika Dawan.

Isikiel 20:14

Kuna yang nini kulkanka mita daukras katna, saura takaskaia apia tâwan. Baha nisanka nani kaikata, mawanra nahki Idsip wina sakatna ba.

Isikiel 20:22

Kuna alki takaskri nini kulkanka tâka, saura takaskaia apia tâwan, baha nisanka nani kaiki kan, Idsip wina brih sakatna ba.

Isikiel 20:9

Sakuna nini kulkanka tara wal daukri, saura takaskaia apia dukiara, baha nisanka aikuki iwi ba tilara, kan baha nisanka nani mawanra param taki, pramis munri Idsip wina sakaia.

Libait Lâka 11:45

Yang sika Dawan Gâdkam, Idsip wina mai saki mai bri balri Gâdkam kaia, baku bamna man nani holikira kaia sma, kan yang holi sna.”

Libait Lâka 22:33

Idsip wina mai sakri yang na man nani Gâdkam kaia dukiara. Yang sika Dawan.”

Libait Lâka 25:38

Yang sika man nani Dawan Gâdkam, Idsip wina mai sakatna ba, Kenan tasbaya maikaia bara man Gâdkam kaia.

Roman 11:12

Bamna, Ju nani mina prukanka, swakwanka ba mita tasba aiska na hilp brin kaka, bara witin nani mâyara tawan ba mita Ju apia uplika nani sin hilp brin kaka, ¡Ju nani kli tawi dimbia bara nahki kau hilp bribia lukisma!

Kli Smalkanka 4:31

Witin kupia yamni sa, lulki mai swibia apia, man nani damikam nani wal aisi yan lâka ba ai âuya lap tikbia apia.

Kli Smalkanka 9:27

Albikam Ebraham, Aisak bara Jekob dukiara kupiam krauks. Naha uplika nani ra kupiam karna takan ba, watawika saurka dukiara kulkpara.