Libait Lâka 26:43 - DAWAN BÎLA AISKA

⁴³ Baku tasba ba pri kabia, ris bribia yua tara dukiara lilia pali kaia, kan man nani tasbaya ra iwras kama ba mita man nani saurkam mana aibapma. Yang lâika nani ra bahki kulkisma, lâ nani maikri ba want apia wisma bamna.

Libait Lâka 26:43 ပူးပေါင်းရင်းမြစ်များ

2 Kronikas 33:12

Sakuna witin ai sarka tilara kan bara Dawan ra makaban, bara bawan ai almukka nani Gâdka ra.

2 Kronikas 36:21

baha ba Dawan dîa win ba aimakaia dukiara, ai dahra aisasarika Jirimaya bâk win kata. Baku tawan ba ris kum briaia kata, kan sauhki tikanka lâka ra kan piua ra ris manis brin, 70 mani luan ba kat.

Job 5:17

Dawan mita yaura lawi dauki uplika ba, upla liliakira sa; bamna Gâd karnika sut bri ba mita mai wipi ba bahki kulkpara.

Lawana Nani 119:67

Kau mâyara bawras kapri bara tanis lâka manis daukri, sakuna nanara, yang bîlam wali daukisni.

Lawana Nani 119:71

Mâyara bawaia lâka ba, yang ra yamni takan, baku sika yang, man lâmka nani lan takri.

Lawana Nani 119:75

Dawan, yang kaikisni, baha lâ nani man aisi daukram ba kasakka lâka sa, bara kasak sa, yang sari brisna ba ra.

Lawana Nani 50:15

Yang ra ai wins kupiam wirha brima ba ra; yang pri mai sakamni, bara man bui yang ra kulkanka aikma.”

Lawana Nani 50:17

lawi mai daukisma ba yamni kaikras sma ba, baku sin yang bîli nani ra sin kulkanka yaras sma ba?

Aiseya 26:16

Yang nani trabil tara ra dimisna ba ra Dawan, man mai plikisna, klala wankisma ba ra yang nani ini puri sunra ba mamwanra aisisna.

Jirimaya 31:19

Yang lika man wina tnaya ra tawri, nanara yang uba lukisna; saura daukri ba daira walisna bara laima prukisna; swiri tara ai daukisa bara bawan lâka ra sâp ai daukan sa wahma kapri ba saura nani daukri ba mita.’

Daniel 9:14

Baha mita, Dawan, man naha klalka nani saki yang nani purira blikram, kan man ba sika Dawan wan Gâdka sma ba, diara sut daukisma ba tilara man ba ban kasak sma, yang nani bui man ra mai walan wan daukras kan.

Libait Lâka 26:11

“Yang lika man nani tilamra bâra kamna, kli mai lulki mai swimna apia;

Libait Lâka 26:15

ban bahki kulki swima, lâ nani ban alki daukras lâika nani ba sut kaikma kaka,

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Libait Lâka 26:41

baku yang bui man nani mampara lukuna bara mai brih wamna waihlam nani tasbaya ra; bahara wama bara idan tasbaya ra bawan lâka brima, saurkam mana aibapi kama.

Emus 5:10

Tawan dimaika nani kat, man nani ra lâ tânka mai smalki uplika nani ra misbara kaikisma ba, bara upla kasak nani ra misbara kaikisma ba.

Sakaraya 11:8

Baha wina kati kumi baman bilka ra, sepad yumhpa misbara ai kaiki, kupi sauhki pali kan ba kangbi sakri.

Jan 7:7

Tasba uplika nani man nani ra sip misbara mai kaikras sa, sakuna yang ra lika misbara ai kaikisa, kan yang lika witin nani diara saura nani dauki ba witniska sna.

Roman 8:7

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

Kli Smalkanka 32:36

“Dawan lika ai uplika tâwan aisabia, kaikka tâ baikaia kau want kabia kaka; Dawan ai albika nani ra umpira lukbia, kaikka swapni sin âpu, karnakira sin âpu kaka.