Libait Lâka 26:4 - DAWAN BÎLA AISKA

⁴ lî nani ba, yang ai piua kat blikamni, bara tasba ba, dus nani unta ra ba, ai mâ maikbia;

Libait Lâka 26:4 ပူးပေါင်းရင်းမြစ်များ

1 King Nani 17:1

Prapit Ilayas Tisbé tawanka wina, Galaad tasbaya pîska ba wina kan ba, Ahab ra win: “¡Israel Dawan Gâdka raya iwi ba nina ra swer takisna, witinka dukia daukisna ba, lî auhbia apia, diwas laya sin âpu kabia naha manka nani ra, yang bui wimna ba kat!”

Job 5:10

Witin yaban tasba ra lî auhisa, bara baku tasba ba lî buskisa,

Lawana Nani 104:13

Man sika il nani ra lî laikisma, wamtla laih purara ba wina; man lî karna yabram auhi ba wal, tasba na âuyapah yabisma.

Lawana Nani 67:6

Tasba ba ai mâ sakisa; ¡wan Gâdka yamni wan munan sa!

Lawana Nani 67:7

¡Gâd ai yamnika ba wankbia! ¡Tasba aiska ba, witin ra kulkanka yabia!

Lawana Nani 68:9

Gâd, man bui yaram lî ailal auhan, tasba lâwan karnika nani ba, kli raya daukaia dukiara.

Lawana Nani 85:12

Dawan bui lî ba blîkbia, bara wan tasbaya ba mâ ailal sâkbia.

Lawana Nani 85:13

Kasak lâka ba witin kainara wabia bara ai yabalka ba wapni dauki yabia.

Aiseya 30:23

Bara Dawan lî maikbia mâ nani bikram ba purara, tasba ra, mâ nani insla ra mangkram nani ba, tasba wina plun maikbia, manis pali ban pura lui kabia; bîpkam nani ba baha piua ra, twi ailal pali tilara twi pi kabia.

Aiseya 5:6

Yang daukamna ba, lulki swin tasbaya baku kabia; dauhbia apia, inmika sin daikbia apia, kiaya dusa saura nani pâwbia. Kasbrika nani ra adar yamni, lî baha purara auhbia apia dukiara.

Jirimaya 14:22

¿Idan nani aidulka nani ba tila wina bâra sa ki yaka lî auhaia? ¿Kasbrika yakan ban bâra ba wina bara krawi lî auhaia sip sa ki? ¡Apia, Dawan wan Gâdka! Man mita sika baha nani ba blikisma ba, man sika baha warkka sut daukisma; ¡baha mita yang nani lika man bîlam kaikisna!

Isikiel 36:30

Yabrika dus nani bara insla ba mâ kau sâkbia; baku man nani swiram takma apia, nisan wala nani tilara, plun mai dauki ba ra.

Joel 2:22

¡Daiwan wail nani, man nani si bripara! Twi lâwan nani ba, kli sangni takbia, dus nani ba kli ai mâ sâkbia, kwah damni nani bara wain mâ nani ailal pali kabia.

Libait Lâka 25:19

Tasbayam wina dusam nani mâ manis maikbia, bara man nani âmyapah iwi banhwi kama.

Libait Lâka 25:21

Mani 6 aimakbia ba piua ra, yang yamniki man nani ra blikamni, bara namsla wina mani yumhpa pi kaia maikamna;

Sakaraya 8:12

Kan kupia kumi lâka ba, witin nani tilara mangkan kabia. Wain kiwka nani, ai mâ alkan kabia; tasba wina sin plun pâwi kabia; kasbrika wina sin diwas laya yabia. Upliki nani kau raya banhwi nani ba ra naha sut na ai dukia kaia yabamna.

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Apastil Nani Sturka 14:17

piua bani witin ba ya sapa tânka marikan, diara yamni dauki ba bâk: lî kasbrika purara ba wina wankisa, insla ra plun yan pâwisa, witin plun aitani wankisa yawan pih lilia kabia dukiara.

Kli Smalkanka 11:13

“Kupiam aiska kira, sulkam aiska kira Dawan Gâdkam ra latwan kaiki mayuni, bara ai lâka nani mamrikan ba ban dauki kama.

Kli Smalkanka 11:14

Witin mita daukbia mani piua lî auhaia piua ba sin piua kat brih balaia, bara man nani plawarkam dâki wainkam bara batana laya sin brima.

Kli Smalkanka 28:12

Bara kasbrika purara diara kukanka nani bri ba durka man nani ra kwâkbia tasbayam ra lî yabaia dukiara, bara wark sut ba pâwi kabia. Nisan ailal man nani wina bri kabia, sakuna man nani lika makabras kama.

Jems 5:7

Bahamna, muihki nani, man nani wihka bîla kaiki bas insla dawanka baku, Dawan balbia ba kat. Ya insla warkka dauki ba, mâ manakira dâkaia wihka bîla kaikaia sa, lî piua aimaki auhbia ba kat.

Param Marikanka 11:6

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.