Libait Lâka 26:39 - DAWAN BÎLA AISKA

³⁹ Waihlam tasbaya ra saurkam nani daukram ba tâwan prui banhma, aisikam nani aikuki witin nani sin ai saurka daukan ba tâwan.

Libait Lâka 26:39 ပူးပေါင်းရင်းမြစ်များ

2 Kronikas 34:24

yang Dawan sna ba, naku wisni: Naha pliska ra uplika sut ba âpu daukamni, nahara iwi nani ba sut ai saurka daukan ba tâwan, naha wauhkataya ra ulban aisi kaikan ba Juda king mawanra.

Esdras 9:7

Wan aisika nani yua ba wina naiwa kat, yang nani saurka lâka ra iwi banhwisna. Yang nani saurki nani tâka mita, kingki bara prîski nani sut aikuki tasba wala nani kingka nani mihta ra ai mangkram. Naiwa yua kat ban wan ikisa, alba wan brisa, wan dukia nani implikisa, yang nani swira lâka tara wal ban iwi banhwisna.

Nihimaya 1:9

sakuna yang nani kli man ra tawi balamna bara lâmka bîla nani ba brimna, bara baha warkka daukamna kaka, ban ai yakabi ai swiram sa, sakuna tasba aiska kir ba wina, yang nani na kli asla ai daukma, bara man ninam bâra kaia pliska bâk sakram ba, bahara kli wan brih wama.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 34:7

Upla kiamka tausin nani ra ban ai latwanka lâka bri ba, bara saurka nani sin ban swih tiki ba, sakuna pâtkira uplika ba mapara babura taki saura dauki ba, klala yabras ban lika swiras sa, aisika, luhpia, mulika, snawika, usbaika nani kat kulkan sa.

Aiseya 14:21

Luhpia nani ba ikaia ridi taks, ai aisika nani watawanka nani ba tâwan; witin nani kli bubiara, tasba na sin bribiara, tasba mawanka na sin tawan tara nani wal banhbiara.”

Aiseya 24:16

Tasba tâ wala wina aiwananka nani yawan walan: “¡Kasakkira ba mayunra kabia!” Bara yang wîri: ¡Ay, dîa kan uba umpira uba umpira sa! Upla kuninkira nani ba kunin lâka ra ai uplika ra atkisa.

Jirimaya 29:12

Baha daukamna bara man nani bui yang ra winma, puram sunra yang ra wabia bara yang bui man nani ra walamna.

Jirimaya 3:25

Swira lâka ra bawi kap, swira lâka mita wan mawan prakan yawan tukta kan ba piua wina ban naiwa kat, yawan, wan damika nani sut sin Dawan wan Gâdka mapara saura daukan, yawan bui witin bîla wali daukras.”

Jirimaya 31:29

“Baha piua ra kli aisabia apia: ‘Aisa nani wain mâ swahni pîsa bara luhpia nani napa sriman sa.’

Inanka Nani 1:3

Pât nani wahwi wark karna taki taibi ba purkara, Juda ba priski brih wan nanara bahara pât wahwisa. Kainara tawan tilara king aimaki kata ba, nanara ai riska pliska sakras sa. Ai nina bliki nani kan ba mita, aiska prak alki brin sa, bara taiban lâka ra mangkan sa.

Inanka Nani 4:9

Baha nani aiklabaia sordka wal aiklabi ikan nani ba kanra yamni sa, baha nani plun bla prui nani ba wal, kan witin nani na tawa tawa ra pruan bamna, ai tasbaya wina plun mâ piaia sip sakras tâka.

Isikiel 18:19

Man nani makabi walma: ‘¿Dîa muni luhpia ba ai aisa saurka mana sin aibapras?’ Kan luhpia ba wapni bara kasakka ba kat daukan bara yang lâika bîla nani ba kat daukan bara iwan: bamna kasak aisisna raya kabia.

Isikiel 20:43

Bahara kupiam krawbia, nahki man nani diara saura nani daukram ba; bara klauna âmya warbia, saurka nani daukram ba dukiara.

Isikiel 24:23

Witin nani ai lal pura bikaika ba, sûs âpu sip tauki kabia apia. Iwras sari briras kabia apia. Witin nani ai karnika âpu takbia watawika lâka pâtka ba mita, bara ai walka nani aikuki ini banhbia.

Isikiel 33:10

“Man, upla luhpia, Israel luhpia nani ra wis: ‘Man nani wisma: Pât nani bara saurka lâka nani ni yawan na wan pura paskan sa. Baha mita wan rayaka na aisawisa. ¿Yawan nahki raya kaia sip kabia?

Isikiel 36:31

Bara ai kupia krawbia ai iwanka saura nani ba, bara ai daukanka saura nani ba sin man nani dukiamra sin ai swira daukbia saurkam bara daukankam saura ba dukiara.

Isikiel 4:17

Baku ba mita plun bara lî nitka nani bâra kabia, ai walka ra pana pana tâ iwi kaiki kabia. Bara ai saurka tâwan kau raya ba kat sukwi tiwbia.”

Isikiel 6:9

Baha nisanka nani tilara pruras swak takbia nani ba, yang ra ai kupia kraukbia; yang nahki witin nani ba yabri pât wahwaia ba ai kupia kraukbia, witin nani ba yang wal wapni apia bara tnaya ra tawan, aidul nani ra mayunan bamna. Watawika lâka nani daukan ba lukbia bara aikaban daukbia, diara saura nani kaikan wan daukras kan daukan bamna.

Oseas 5:15

“Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Sakaraya 10:9

Yang bui witin nani ba nisan nani tilara yakabrira daukri, ban sakuna, laihura ba wina yang ra luki kabia, bara yu kum ai luhpia nani wal kli tawi balbia.

Kulki Kaikanka 14:18

Pat pali kupiam sauhkpara bara kupiam takaski bris; kupiam pihni lâka ba kau tara sa, watawika lâka mapara buan lâka sin pâtkas ra swiras sma sakuna, man uplikam nani saura dauki ba ban klala yabisma, aisika bara yaptika nani watawika ba, luhpia nani ra, mulika nani ra, snawika kat.

Kli Smalkanka 28:65

Bara baha nisanka nani tilara man nani iwi kama piua ra, âmyapah ris bri kama apia, kan Dawan mita sirang mai iki kabia ba mita, kupiam wirha sarkam brima bara namkra laya wal kama.

Kli Smalkanka 30:1

“Bara yang sturi aisari ba sut man nani puramra balbia, yamnika bara lahtubanka wal maikri ba, ani ba brima. Dawan Gâdkam mita nisan nani tilara mai lulkan kabia, baha dukiara luki kaikma.

Kli Smalkanka 5:9

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni. Baha nani misbara ai kaiki banhwi nani ba luhpia nani ra, mulika nani, snawika nani kat sin klala yabisna bamna,

Kli Smalkanka 8:20

Baku natka ra sauhki tikbia, nisan nani man nani mina taibanka ra waram ba, man nani ra sin mai sauhki tikbia, Dawan Gâdkam bîla lulkram kaka.