Libait Lâka 26:30 - DAWAN BÎLA AISKA

³⁰ Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Libait Lâka 26:30 ပူးပေါင်းရင်းမြစ်များ

Blasi Sturka 19:13

Kan nanara naha tawanka na yang nani sauhki tikaisna. Naha uplika nani mapara dahra kwahkanka saura nani ba kasak sa, aitani Dawan mawanra uli wan sa, baha mita Dawan wan blikan tawanka na sauhki tikaia.

1 King Nani 13:2

bara Dawan adarka ba mita, ai bîla baikra karna wal altar ba mapara aisin: “Altar, altar: Dawan naku wisa: ‘Debit kiamka wina tukta waitna kumi aisubi takbia, ai nina ba Josías mâkbia, idan nani ai pura suni ba watla ra prîs nani bâra ba witin mita baha nani ba man puramra sakripais daukbia, man puramra kîa yamni ba sin angkbia, upla dusa nani sin witin bui man puramra angkbia.’ ”

1 King Nani 13:32

Kasak pali, piua balbia ba ra, aimakbia Dawan bîla aisin ba Betel altarka bâra ba mapara, gâdkas nani Sameria tawanka ra ai purara sunaia watla nani mâkan ba mapara aisin ba sin.

2 King Nani 23:16

Bara Josías ba kli tawi balan ba ra, raiti nani baha ilka purara kan kaikan, bara blikan wan pruan nani dusa ba saki balan, bara watlika paskan kan ba purara angki âpu daukan. Baha bîla prapit bâk, Dawan mita aisan kan ba kat, baha ba sika pat maisa paki win kan.

2 King Nani 23:20

Baha purkara, prîs bahki nani bâra kan ba sut ikan bara witin nani ai purara upla pruan dusa nani suni angkan. Baha ningkara Jerusalem ra kli tawi balan.

2 King Nani 23:8

Baha ningkara adar yaban prîs nani Juda ra kan ba sut balbia, bara gâd bahki nani ra pura sunaia watla bâra kan ba Gueba wina Beerseba kat, lasa altarka nani sin bâra kan, baha nani sut sauhki tikan Jasua tawan lalka tara, getka dimaika smihka tani ba kat.

2 Kronikas 23:17

Baha ningkara upla sut Baal tempelka ra wan bara bataki sut sauhki tikan, altarka bara lilka nani sut sauhkan. Bara Matán, Baal prîska ba lika, altar nani ba kat nana dakbi banhwan.

2 Kronikas 31:1

Baha sut dauki luan ba ra, Israel luhpia nani bâra kata ba sut Juda tawanka nani ra wan, bara walpa ni lilka nani dauki bri kata ba sut kriki tikan, Aserá lilka nani ba krikan, idan gâd bahki holi pliska kata ba sin, baha dukia nani Juda ra bara Benjamín ra sin sut âpu daukan, baku sin Efraín ra bara Manasés ra kata ba, baha ningkara Israel luhpia nani kumi bani ai tawanka ra kli tawi wan.

Lawana Nani 106:40

Bara Dawan lika ai uplika nani mapara lawan bara witin nani ra kakaira apia sa win, witin ai uplika nani kan ba.

Lawana Nani 89:38

Ban sakuna, bahki ai kulki ai lulki ai swiram baha kingka bâk saki briram ba; ¡man bui witin wal kupiam sauhkram sa!

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Jirimaya 14:19

Dawan, ¿Juda ba man aiska pali lulki swiram sa ki? ¿Saion tawanka ba dukiara man tayat pali takram ki? ¿Dîa kan yang nani sip kli rawaia apia kat ai insauhkram? Yang nani lika yamnikam wankma bîlam kaiki katna, sakuna yang nani maipara diara saura baman takan. Yang nani rawaia aihwaki katna, sakuna sirang tara ai iki ba baman bâra sa.

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Isikiel 16:39

Witin nani mihta ra mai swimna, ur takisma pliska nani ba aidul ra mayunisma pliska nani ba sut sin sauhki tikan kaia. Kwalkam ba daikbia bara aiskahkaia dukia nani brisma ba sin, bara susu pali mai swibia.

Isikiel 43:7

bara ai win kan: “Naha sika kingki lâka pliska, mini mangkisna pliska; nahara iwamna Israel luhpia nani tilara ban kaia ra. Witin nani bara ai kingka nani sin apia kabia, kli nini kulkanka âpu daukbia ba; nini holikira ba, kasak apia lâka ba wal: Kli lilka tara nani paskanka daukbia apia, ai kingka nani prubia ba ningkara.

Isikiel 6:13

Aidul nani ba tilara altarka nani kaina kir bara kiuhsi nani purara, il nani purara, dus sangni pâwi nani munhtara, usupum dusa dista bri nani ba munhtara, witin nani diara kîa pain nani angki ai aidulka nani ra yabi ba pliska nani ba ra, upla pruan nani bâra kabia ba kaikbia, bara man nani wima yang sika Dawan.

Oseas 10:2

Israel ai lukanka wâl brisa, bara nanara saura daukan ba mana ba aibapaisa. Dawan bal ai altarka nani ba slingbi tikbia, bara ai gâdka bahki nani altarka walpaya nani paskan ba sin slingbi tikbia.

Libait Lâka 20:23

Baha uplika nani bâra iwi ba, naha saurka daukisa kaka, witin nani ba mamwan wina saki lulkma. Witin nani saura dauki ba nina blîkpara, witin nani naha saurka sut daukan.

Libait Lâka 26:11

“Yang lika man nani tilamra bâra kamna, kli mai lulki mai swimna apia;

Libait Lâka 26:15

ban bahki kulki swima, lâ nani ban alki daukras lâika nani ba sut kaikma kaka,

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”

Emus 7:9

Dawan ra mayunaia watla Aisak dukia nani ba sut slingban kabia, bara Israel tempelka nani ba sin sauhki tikan kabia. ¡Jeroboam taika nani mapara war aiklabaia sordka ba bukamna!

Kli Smalkanka 32:19

Bara Gâd naha kaiki lawan, bara luhpia waitna nani bara luhpia mairin nani ba lulkan;