Libait Lâka 26:25 - DAWAN BÎLA AISKA

²⁵ Man nani puramra war bri balamna pana mai munaia lâka ba, yawan wal lâ daukan lâka ba krikisma bamna. Man nani plapi banhma yukuwaia pliska ra tawankam nani ra, sakuna yang siknis nani blikuna bara man nani waihlam mihta ra kauhma.

Libait Lâka 26:25 ပူးပေါင်းရင်းမြစ်များ

2 Samuil 24:15

Bara Dawan siknis saura kum Israel purara blikan, baha yua titanka ba wina piua kulkanka ba yua aimakan ba kat, bara Dan wina Beerseba kat upla nani 70,000 pruan.

1 King Nani 8:33

“Man uplikam Israel luhpia nani ra waihla nani bui pura lubia piua ra, ningkara kli man ra tawi muni ninam ra ai saurka dahra sâkbia kaka, bara witin nani naha tempelka ra ai pura sunbia kaka,

1 King Nani 8:37

“Ban kra tasbaya ba ra plun tiwbia, siknis nani balbia, plun nani ra sikniska alkbia, tuhtu nani, tristrisia nani, plun sauhkaia yula nani iwbia, witin nani iwi tasbaya ra waihla nani bui bal kutbi bribia kaka bara pât wala siknis sât wala nani balbia kaka,

2 King Nani 17:3

Bara Asiria kingka Salmanasar mita Oseas mapara aiklaban, ningkara ai albika daukan bara diara lal mana aibapi kan.

2 Kronikas 24:24

Siria wina war aiklaklabra wiria baman wan, sakuna Dawan mita baha nani mihta ra aiklaklabra daknika kau ailal mangkan, baha ai damika nani Dawanka ra lulki swin bamna. Baku Joás ra klala yabaia kan ba yan.

Lawana Nani 94:1

¡Mariks Dawan, man ba Gâd pana mamunra sma ba!

Impakan Sturka 5:3

Bamna witin nani kli king fero ra win: —Hibru nani Gâdka ba yang nani ra param takan; bamna aikrika yang nani taki wapamna yu yumhpa wapaia upla iwras tasbaya ra, bahara Dawan yang nani Gâdki ra sakripais dauki yabamna, baha apia kaka siknis saura nani ni bara sord ni sin yang nani sut ai ikbia.

Aiseya 1:20

sakuna kiamapara lâka ban brisma kaka, war ra âpu prui tiwma.” Dawan mita baku aisisa.

Aiseya 65:12

Diara saura man nani bîlam kaikisa: Man nani sord ra pruaia mai daukamna. Kan yang mai winri, sakuna man nani pana yang ra aisaras kapram bamna; man nani ra aisari, bara man nani ai walras kapram; yang aitani kulkras sna ba man nani daukram, yang laik apia sna ba man nani bâk saki briram.”

Jirimaya 19:7

Juda Jerusalem wal diara nani daukaia luki kaikan ba, yang naha tasbaya ra baha yuya sirpi daukamna. Yang daukamna ai waihla nani upla âikra nani ba mita bal iki pura luaia, bara wîna nani ba tnawira wîna papira nani ba daiwan wail nani pata takbia.

Jirimaya 24:10

Witin nani ra war blikamna, sanglang, siknis sin, witin nani ra yabri tasbaya ai damika nani ra sin yabri kan ba tasbaya ra witin nani kumi sin âpu takbia ba kat.”

Jirimaya 50:28

(Babilon wina plapi swak takan nani ba Saion ra wan bara sturi aisin, Dawan yawan wan Gâdka nahki Babilon nani ra daukan ba ai tempelka sauhkan ba tâwan, dîa pana munaia kan ba kat munan dahra ba.)

Jirimaya 51:11

Dawan Babilon slingbaia lukisa bara witin ai lukanka ba ni Media kingka nani ba tukbisa. Baha sika Dawan mita pana muni ba warkka ba, witin nani Dawan tempelka ra diara daukan ba tâwan. ¡Man nani trisbaikam ba pliki bris! ¡Kainam kahbaika nani ba dims!

Jirimaya 9:16

Witin nani kakaira apia, aisika nani sin kakaira apia nisanka nani tilara yakabi swimna; yang daukamna baha nani sord ai mihta ra bri naha nani nina bliki kaia, witin nani sut pali âpu takbia ba kat.”

Inanka Nani 2:21

Wahma nani bara almuk nani sin, tawan bîla yabalka nani ra pruan prawi nani ba kaikisa; wahmiki nani bara tiariki nani sut, aiklabaia sordka malika wal ikan sa. Man mita witin nani ba ikram kupiam baiwanka yua ra, ¡ikram, umpira kaikras kira!

Isikiel 14:17

“Apia kaka, baha kuntrika purara war blikamna kaka, adar yamna upla nani bara daiwan nani ba sut ikaia.

Isikiel 20:37

Yang kumi bani ra laki mai kaikamna, sepad baku ai sîpka nani kulki kaiki ba; bara yabrika ai pramiska ra iwbia.

Isikiel 29:8

‘Baha mita, yang Dawan sna ba, wisni: Idsip ba, yabrika sord wal rau mai sauhkbia, bara uplikam nani ba bara daiwram nani ba sut ikbia.

Isikiel 33:2

“Man, upla luhpia, aisas tawankam uplika nani ra, bara wis: ‘Yang kuntrikam ra war blikuna ba ra, baha kuntri uplika nani ba wahbi sakisa aihwawakra ba.

Isikiel 5:17

Âu, man nani puramra yabrika plun wahwan balbia, siknis nani, prura, daiwan wail nani, luhpa âpu mai swibia; bara mai daukamni man nani tilam wina manis war ra pruaia. Yang, Dawan ba, naku aisisna.”

Isikiel 6:3

naku natka ra: ‘Pain wals, Israel ilka nani, dîa Dawan aisi ba, il purara nani ra, awala nani ra, il plahpia nani ra sin; yang daukaisna man nani puramra war tara balaia, bara sauhki tikbia plis purara nani idan priaska watla nani ba.

Oseas 11:6

Tawanka tara nani ba purara sord ba kauhbia, bara ai kan kahbaika pliska nani mâkan ba âpu daukbia, witin nani baku daukaia luki daukan ba mita, kli slingwi tiwbia.

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Emus 4:10

“Idsip uplika nani purara siknis saura nani blikri kan ba baku, man nani puramra sin blikri; wahma nani ba war aiklabi prui tiwaia ba yang daukri, swiri aras nani ba waihla nani dawanka takan; kiamp nani ra yang mita yâri upla pruan bisbaika ba kiawalaia. Baha sut daukri, sakuna man nani lika yang ra kli tawi balras.” Dawan baku kasak aisisa.

Abakuk 3:5

Siknis saura nani ba witin ai kainara blikisa, bara baha nani prura ba brih aula.

Kulki Kaikanka 14:12

Siknis baku yang blikamna, insauhki prui âpu takaia daukamna, baha tasbaya witin nani briaia sip apia daukamna; bara yang bui man kiamkam wina upla kau ailal, kau karna kaia daukamna.

Kulki Kaikanka 16:49

Baha kat pruan upla nani ba 14,700 kan, bara Coré Dawan mapara buan piua ra prui tiwan nani ba lika baha tilara kulkras kata.

Kulki Kaikanka 31:3

Bamna Moses upla nani ra win: —Man nani tila war aiklabaia dukia nani ba brih mahka bûi banhs aiklabaia waia, bara Dawan nina ra was Madián uplika nani mapara aiklabi, pana muni pura lus.

Luk 21:11

Tasba nikban tara nani kabia, plun tiwan bara siknis sât sât nani plis ailal ra, bara kasbrika purara diara sibrinkira nani, sain aihka nani sin kabia.

Kli Smalkanka 28:21

Man kuntrika pliskam briaisma ba ra, Dawan bui klala blîkka âpu mai daukbia.

Kli Smalkanka 32:25

Luhpiam nani yabal bîla nani ra sord ni aiklabi prui kabia, utla nani ra lika sirang ikaia lâka king aimaki kabia; wahma nani bara tiara nani prui kabia, almuk bara tuktan yapti tialka di nani ba sin.

Kli Smalkanka 32:35

yang pana munaia yua dukiara ai mana ba aibapi yamni, sauhki tikan kaia yua ba pat baila sa. ¡Awarka ba sin pat lamara sa!

Kli Smalkanka 32:41

yang sordki glas baku lipi ba mala daukamni bâra kasakka lâka daukaia ba tâ krikbia, waihli nani ra pana munamni. Misbara ai kaiki nani ra ai mana aibapi yabamni.

Wihta Nani 15:11

Witin nani baha walan ba ra, Juda kiamka wina 3,000 waitna taki, Etam walpaya untika ra wan, bara Samson ra win: —Samson, ¿man kaikras sma ki, yawan filisteo nani mina munhtara sa, witin nani kau karna ba? ¿Bara man dîa muni witin nani ba yawan wal wan kakma tuskisma? Samson pana witin nani ra win: —Witin nani nahki praiska kat pana yang ra aibapan ba, pana sin baha kat yang bui witin nani ra aibapamni, kau pura luras.