Libait Lâka 26:22 - DAWAN BÎLA AISKA

²² Daiwan wail nani man nani tilamra blikamni, luhpiam nani âpu daukbia, daiwram nani ba pibia, upla maura mai daukbia, yabal nani ba bîla baman kabia.

Libait Lâka 26:22 ပူးပေါင်းရင်းမြစ်များ

2 King Nani 17:25

Sakuna naha uplika nani Dawan ra mayunra sin daukras kan ba mita, witin nani mahka ai pliska brin taim Dawan mita witin nani mapara layan nani blikan bara ai tila kat kum kum ra iki kan.

2 King Nani 2:24

Bara Ilaidsa tawi kaiki Dawan nina ra lahtuban. Bara baha minit wingku tara wâl unta wina taki bal pîs ra daukan baha tuktika nani 42 kan ba sut ra.

2 Kronikas 15:5

Baha piua nani ra kupia kumi lâka âpu kan, kau yabal ra upla nani ra dara walras alki kan.

Aiseya 24:6

Baha tâka sika, lahtubanka kum mita tasba na âpu daukan, iwanka watla nani ba sut bîla man swin, baha tâka mita, upla nani bahara iwi kan ba sin sut âpu daukan. Upla nani ba maura man swin.

Aiseya 33:8

Yabal nani wapi kan ba swin sa, wawapra nani impaki kan ba takaskan. Wal lâ daukan kan lâka ba, bahki daukan; tawan tara nani ba misbara kaikan, upla nani ba diara bahki kulkan.

Jirimaya 15:3

“Yang Dawan, kasak aisisni: Klala sâtka walhwal man nani ra blikaisna: war ra mai ikbia, yul nani mita mai raskan kabia, daiwan tnawira mai pibia, bara daiwan wail nani sin mai pibia.

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Inanka Nani 1:4

¡Nahki sari pali sa, Saion ra waia yabalka nani ba! ¡Upla kumi sin âpu sa liliaka nani ra balaia! Tawan getka nani sut ba bîla baman swin sa, prîs nani ba inisa, tiara nani ba sari takisa, bara Jerusalem pât wahwanka ba tahpla pali sa.

Isikiel 14:15

“Bara kuntri bîla bâk daiwan wail yaka lubia kaka, upla iwi nani ra âpu daukbia, bara upla iwras tasbaya takbia, upla kumi sin bâk lubia apia, daiwan wail ba sîa.

Isikiel 14:21

“Yang Dawan sna ba, naku wisni: Kau saura kabia Jerusalem mapara klala saurakira walhwal blikamna piua ra: war, plun wahwan, daiwan wail nani bara siknis saura nani, bara ikri upla bara daiwan nani sut ba.

Isikiel 33:28

Kuntri ba upla iwras tasbaya kum sauhki tikan ba baku ra laki swimna, bara ai karnika dukiara ai mayunanka tara bri ba sauhkamna. Israel ilka tara nani ba, upla iwras ilka nani takbia; upla kum sin bâk lubia apia.

Isikiel 5:17

Âu, man nani puramra yabrika plun wahwan balbia, siknis nani, prura, daiwan wail nani, luhpa âpu mai swibia; bara mai daukamni man nani tilam wina manis war ra pruaia. Yang, Dawan ba, naku aisisna.”

Libait Lâka 26:6

Tasbayam ra yamni mai bri kamna, sibrin âpu pain yapi kama, tasbayam ba pri daukamna daiwan wail, daiwan praut bara war nani sut wina sin.

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Sakaraya 7:14

Baha mita yang pâsa karna taki baku, witin nani ba kakaira apia nisanka nani tilara yakabrira daukri, ai kuntrika ba upla iwras tasbaya daukri ba ra taki wan. ¡Kuntri kum pranakira pali kata ba, witin nani mita bîla man dauki swin!”

Kli Smalkanka 32:24

Plun wahwanka bara rihka mita prui tiwma; siknis yula tahplika bui sauhki tikbia; witin nani purara daiwan wail nani blikamna, bara piuta puisinkira sin.

Wihta Nani 5:6

Anat luhpia Samgar yua nani ra, bara Jael yua nani ra, impapakra nani ba yabal bîla bâk impakras kan, sakuna yabal saura nani bâk impaki kan;