Libait Lâka 25:43 - DAWAN BÎLA AISKA

⁴³ Saura munan lâka daukpara; ban sakuna, Gâd ra sibrin lâka bris.

Libait Lâka 25:43 ပူးပေါင်းရင်းမြစ်များ

Blasi Sturka 42:18

Sakuna yu yumhpa ba luan ningkara, Josep witin nani ra win: —Yang lika Gâd ra sibrin lukisni. Bamna man nani naha dauks bara pâtkam nani ba ban swih tikan kabia, bara baku raya banhwi kama.

2 Kronikas 28:10

Baku sin luki banhwisma Juda bara Jerusalem uplika nani ba albikam waitna bara albikam mairin nani briaia. Sakuna, ¿man nani pali sin Dawan Gâdkam mapara saura daukras ki?

Job 31:13

Duki dadaukra nani dîa ai makabi kan ba, yang piua bani ai makabanka ba kat dauki katna.

Job 31:14

¿Nahki natka wala ra, yang sip kamna ki Gâd mawanra buaia? ¿Dîa aisamna ki witin diara ai makabi walbia ba ra?

Impakan Sturka 1:17

Sakuna grandi mairin nani ba Gâd ra sibrin luki uplika nani kata, bamna dîa king bui witin nani ra win ba kat daukras, tuktan waitna nani ba sin ban swin raya kan.

Impakan Sturka 2:23

Mani nani lui ba tilara Idsip kingka ba pruan. Sakuna Israel luhpia nani lika ban alba lâka munhtara pât saura wahwi kan. Witin nani ini ai mâmna lulki makabi kan ba Gâd walan.

Impakan Sturka 3:7

Sakuna Dawan kau ban witin ra aisi, win: —Yang upliki nani Idsip ra pât saura wahwi ba param pali kaikisni. Wark pura kakaira nani ba mita witin nani ra saura muni bara ai mâmna lulki ini makabi ba yang walri, yang kasak pali kaikisni witin nani pât saura pali wahwisa.

Impakan Sturka 3:9

Kaiks, Israel luhpia nani inanka ba yang walri, baku sin kaikisna Idsip uplika nani mita witin nani ra saura pali muni ba.

Impakan Sturka 5:14

Tnaya sait baha purkara Israel luhpia nani tilara dakni sirpi nani purara wark pura kakaira nani mangkan, bara witin nani ra pruki muni wi kan: —¿Nahki kan man nani nahwala bara naiwa sin man nani blok nani paskaia kapram praiska ba kat paskras sma ba, kainara dauki katma ba baku?

Aiseya 47:6

Yang upliki nani mapara kupi baiwan kan, bahki lâka mihta ra mangkri nisanki nani pali ra bara swiri man karnikam munhtara kauhan, man bui witin nani ra umpira kaikras kapram bara almukkam nani pahpaya ra wirhika nani sunram.

Aiseya 58:3

Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Isikiel 34:4

Man nani sîp swapni takan ba tâ baikras, siknis nani ba rakras, mina kriwanka ba sin blakras, tnaya ra tawuya nani ba kli brih balras, tiwuya nani ba sin plikras, kuna karna lâka ni munisma.

Libait Lâka 25:17

“Upla kum upla wala ra, lâ kat apia taiban wina dukia dakbi bripara, yamni kulkisma ba mariks Gâdkam lâka ba. Yang sika man nani Dawan Gâdkam.

Libait Lâka 25:42

Witin nani ba yang albiki sa, yang bui Idsip wina mai sakri, bara alba baku atkan kabia apia.

Libait Lâka 25:44

“Man ba alba waitna bara alba mairin nani atkaia want sma kaka, nisan wala wina atki bris.

Libait Lâka 25:46

Baha nani ba, man pruma sin ban swiaia luhpiam nani albika kaia, witin nani warkka taki ban kabia. Sakuna man nani wina kumi sin kiamkam Israel luhpia nani ra taibi munan lâka, saura munaia lâka daukpara.

Libait Lâka 25:53

Wark uplika ba, mani kumi wark takaia pramis daukan sa kaka, rausauhkaia wisi wark karna takaia yabaia apia sa.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Epesus 6:9

Bara man nani, alba dawanka nani sma ba, trai kaiks baha sim natka ra albikam nani ba yarka warkkam dauki kaia, taiban lâka âpu kira. Kupiam krauki bas, man nani wih alba nani wal Dawankam kasbrika purara ba mihta ra sma, bara witin lika upla kumi ba upla wala wal aihka baku kulkras sa.

Kli Smalkanka 25:18

Kupiam krawisa Gâd sibrinka sin âpu, man nani yabal ra wapi swapi tayat takram kan, puramra bal rau mai sauhkan ba. Bara swapni takan nani kan ba nina saitku bal, rausauhkan bara ninara ban takaskan.

Kolosi 4:1

Bamna man nani, alba dawanka nani, albikam nani ra diara yaia sma ba, pain bara kasakka lâka ra yas. Man nani sin kasbrika purara Dawankam brisma ba dukiara, kupiam krauki bas.