Libait Lâka 25:39 - DAWAN BÎLA AISKA

³⁹ “Man nani kiamkam kum diara luha, umpira taki man ra balan atki briram ba man wal kabia kaka, alba kum baku lika wark dingkpara.

Libait Lâka 25:39 ပူးပေါင်းရင်းမြစ်များ

1 King Nani 9:22

Ban sakuna, Salaman bui Israel luhpia nani kumi ra sin yan alba baku wark takras kan, sakuna baha nani ba war waitnika nani kan, alba nani ba lalka nani kan, wagin nani lalka, apia kaka war araska âiulra nani kata.

2 King Nani 4:1

Mairin kum bâra kan, witin ba prapit nani kan ba tila wina kum maya, bara witin prapit Ilaidsa ra wan, bara naku ini aisi, win: —Yang mayi waitna ba pruan, bara man nu sma mayi ba Dawan ra lalukra kan. Bara nanara lalah lin mamunra kum balan, yang luhpi wâl ba alki ai albika briaia wisi.

2 Kronikas 28:10

Baku sin luki banhwisma Juda bara Jerusalem uplika nani ba albikam waitna bara albikam mairin nani briaia. Sakuna, ¿man nani pali sin Dawan Gâdkam mapara saura daukras ki?

Nihimaya 5:5

“Yang nani muihki aikuki tawanki kumi kiamka sna; yang nani luhpi nani witin nani ai luhpia nani wal sim sât sa. Ban sakuna kaiks, yang nani luhpi waitna nani bara luhpi mairin nani alba lâka ra pat mangki banhri sa. Pat baku daukan sa luhpi mairin nani tila pat alba lâka ra sa, sakuna yang nani sip takaskras, kan tasbayi nani bara wan nasla nani sin pat upla wala dukia takan sa bamna.”

Impakan Sturka 21:2

“Alba kum atki brisma kaka, bara witin ba Hibru uplika sa kaka, witin lika mani matlalkahbi ba bilara wark taki kaia sa. Kuna 7 mani alkbia ba ra witin ba pri takan kaia sa. Witin pri takuya ba dukiara sin diara aibapaia apia sa.

Impakan Sturka 22:3

Ban sakuna, pat yu baiwan kan witin ra ikan kaka, baku lika witin pruanka ba upla mita ikan saurka baku kulkan kaia sa. “Witinka impliki ba witin ai mana dîa aibapaia sa, kan witin lalah âpu kaka, âimplikra ba atkaia sa, implikan ba mana aibapaia dukiara.

Jirimaya 25:14

Nisan tara nani bara king nani karnika tara bri ba, witin nani sin mina ra kauhbia. Bara baku witin nani dîa daukan ba mana briaia aitani ni mana aibapamna.’ ”

Jirimaya 27:7

Nisan nani sut ba witin ra bawi kabia, luhpia nani ra bara mulika nani ra sin bawbia, bara piua ba balbia bara nisan tara nani ba king karnika tara bri nani ba sin witin ra bawbia.

Jirimaya 30:8

Yang, Dawan ba, karnika sut brisna, kasak aisisna: Upliki nani alba lâka ni wilkan ba pri sakamna, witin nani kli tringsar nani albika takbia apia.

Jirimaya 34:14

Ju atkan kum ai dawanka albika 6 mani takuya bara 7 mani alkaia manka ba pri swiaia sa. Sakuna damikam nani lâika ba kulkras bîli wali daukras kan.

Jirimaya 34:8

Dawan Jirimaya ra aisin, Sedequías Jerusalem uplika nani sut aikuki, alba nani ba pri sakaia wisi aisin ba ningkara.

Jirimaya 34:9

Lâ ba bapan kan Ju nani ai tilara alba waitna nani bara alba mairin nani bri ba pri lâka ba yaia, upla kumi sin Ju ai tahkia ba ai albika bri kaia apia.

Libait Lâka 25:46

Baha nani ba, man pruma sin ban swiaia luhpiam nani albika kaia, witin nani warkka taki ban kabia. Sakuna man nani wina kumi sin kiamkam Israel luhpia nani ra taibi munan lâka, saura munaia lâka daukpara.

Matiu 18:25

Wark uplika ba aibapaia lalah âpu kan, bara king ba mita adar yan witin ba alba baku upla ra atkbia, ai maya, ai luhpia nani, dîa dîa bri ba sut kira, ai traska bri kan ba aibapaia dukiara.