Libait Lâka 25:35 - DAWAN BÎLA AISKA

³⁵ “Man nani kiamkam tilam wina kum diara âpu takan, umpira sa kaka, bara witin ba man ra hilp pliki aula ba ra, hilp munaia kama upla tringsar kum baku, bara man wamtla ra plis yama.

Libait Lâka 25:35 ပူးပေါင်းရင်းမြစ်များ

Nihimaya 5:1

Bamna tawan uplika, Ju nani ai tilara waitna bara mairin nani aikuki, ai muihni nani mapara karna aisin.

Nihimaya 5:3

bara tila upla wala nani sin aisi kan plun wahwan tâka ba mita witin nani ai tasbaya nani, nasla, watla nani sut bri ba lal ra lalah saki plun atki piaia brin;

Job 31:16

Umpira diara luha uplika ra hilp munaia piua bani takaskras katna, aitani lukras katna piarka nani ba plun wahwi ai yua nani ba lui kabia.

Lawana Nani 112:5

Upla diara yamni dauki ba ai kupia kumi lin munisa, ai bisniska ba pain impakisa,

Lawana Nani 112:9

Umpira nani tilara diara yuisa ai kasak lâka ba ban sa, ai lal buki ai kulkanka lâka ba wal.

Lawana Nani 37:26

Piua bani witin bui upla wala ra diara yabisa pana mana, ai kupia swapni sa, ai luhpia nani ba, yamnika nani sa.

Lawana Nani 41:1

Ani uplika, upla siknis nani dukiara luki ba, lilia pali kabia. Piua saura mani balbia ba ra, Dawan bui witin ra sin swaki sakan kabia.

Impakan Sturka 22:21

“Upla tringsar nani ra saura munpara bara rau sauhkpara, kan man nani sin tringsar kapram Idsip tasbaya ra.

Impakan Sturka 22:24

bara kupi baiwanka wal, war aiklabaia sord ni mai prukamni bara mai ikamni. Ningkara man nani mayam nani, bara luhpiam nani sika piarka bara rau nani sin takan kabia.

Impakan Sturka 22:25

“Upla umpira kum ra lalah lin munma kaka, yang upliki nani man nani aikuki nâra na tila wina, witin mapara munpara lalahkam purara kau praki witin wina briaia, lalah lin mamunra nani dauki ba baku.

Impakan Sturka 23:9

“Upla tringsar nani ra sarka paskpara, kan man nani sin Idsip tasbaya ra tringsar kapram ba ra, man nani upla wala tasbaya ra iwaia ba nahki ba tânka pain brisma.

Sins Lâka 14:31

Upla umpira ra taibi ba, Papaskrika ba mina batakisa; sakuna baha uplika ra kulkanka yabi ba lika, Papaskrika ba mayunisa.

Sins Lâka 17:5

Upla umpira lawaska kiki uplika ba, ai Papaskrika ra mapara buisa, ai pâtka tara ba dukiara lilia taki ba sin, klala briras ban kabia apia.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Libait Lâka 19:34

Man nani uplikam kum baku yamni munma, latwan kaiks. Luki bas man nani sin tringsar katma Idsip ra. Yang sika man nani Dawan Gâdkam.

Libait Lâka 25:25

“Man nani uplikam kum diara âpu takan bara ai tasbaya pîs kum mai atkan kaka, witin ai taya kum kau ai aslika ba bal tasbaya ba kli atki bribia.

Matiu 25:35

Kan plun ai dauki kan, man nani plun aikram; din ai dauki kan, man nani lî aikram; tringsar baku tauki kapri, man nani wamtla ra dingki ai briram.

Mark 14:7

Umpira nani ba piua bani tilamra ban bri kama, bara ani ani yua ra yamni munaia lukma ba, sip kama daukaia; sakuna yang lika ban tilamra ai bri kama apia.

Luk 6:35

Sakuna man nani lika waihlam nani ra latwan kaikaia sma, yamni sin munaia, bara diara lin munisma kaka, kli briaia bîla kaikpara. Baku lika mamna tara brima, bara Gâd Laih Purara iwi ba luhpia nani kama, kan witin lika latwankira sa, tingki lukras nani bara saurakira nani mapa ra sin.

Jan 12:8

Piu bani upla umpira nani ba tilamra bri kama, sakuna yang lika piu bani ban ai bri kama apia.

Apastil Nani Sturka 11:29

Bara lalukra nani Antíoco ra iwi ba sut wilin takan hilp kum blikaia, Judia ra wan muihni iwi banhwi ba nani ra, kumi bani sip kan ba kat.

Roman 12:13

Gâd uplika nani dîa luha ba hilp munma; upla bal mai kaiki nani ba pain bris.

Roman 12:18

Man nani sin trai kaiks, sip sma ba kat, upla sut wal kupia kumi lâka ra iwi kaia.

Roman 12:20

Bara naku sin wisa: “Man waihlam plun dauki kaka, plun yas pibia, bara lî din dauki kaka, lî yas dibia; kan man naha daukisma ba mita, witin ai swira bara sari sin lukbia.”

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

2 Korint 9:1

Bamna kasak lukan lâka ra wan muihnika nani dukiara lalah sakan ba man nani ra yang ulbaia apia sna,

Galesha 2:10

Witin nani baman yang nani ra makaban, umpira nani dukiara luki banhwi kamna, bara baha sika aman pali kaiki daukaia luki kapri ba.

Kli Smalkanka 23:19

“Uplikam ra taibi munpara, lalah brin ba pura praki mai aibapaia wisi, piaia dukia kabia, diara wala nani brin ba sin apia.

Hibru Nani 13:2

Upla tringsar nani wamtla ra dingki briaia ba kupiam krauki bas. Upla tila nani naku dauki, ai dara walras pali insal nani ai watla ra dingki brisata.

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?