Libait Lâka 25:10 - DAWAN BÎLA AISKA

¹⁰ Man nani baku dauki upla sut ra wima, naha liliaka tara na sika 50 mani alkan ba, sunu daukaia liliaka yua. Upla pâtka nani, traska ba sut swih tikaia manka. Israel tasbaya aiska ra alba nani ba pri sakaia tasbaya nani dakbi brin ba kli yabaia.

Libait Lâka 25:10 ပူးပေါင်းရင်းမြစ်များ

Esdras 1:3

Bamna ya man nani tilamra Dawan uplika bâra sa kaka, Gâd ba man nani wal kabia. Bamna Jerusalem ra was, baha lika Juda tasbaya ra ba, bahara Dawan Israel Gâdka tempelka ba mâkaia, witin sika Dawan, Jerusalem ra iwi ba.

Lawana Nani 146:7

Witin taiban uplika nani ra kasakka kat yabisa; bara sin plun dauki nani ra dakakisa. Dawan baha priskan nani ba lanhki sakisa.

Impakan Sturka 20:2

“Yang sika man Dawan Gâdkam, Idsip tasbaya ra alba kapram ba wina mai sakri ba.

Aiseya 49:9

Silak ra mangkan uplika nani ra wiaia: ‘Man nani pri taks’, bara tihmia tara ra bâra nani ra: ‘Swis man nani mai kaikbia.’ Yabal nani sut tnaya ra man nani twi sâkma, ani ani ilka ra diara pâwras ba ra daiwram nani pata bâra brima.

Aiseya 63:4

Yang luki kaikri yua kum bâra kabia kasak lâka ba daukaia; yang upliki ba atki sakaia piua ba sin aimakan sa.

Jirimaya 34:10

Wihta nani upla nani sut baha lâka daukan ba aitani kulkan, bara ai albika nani ba sut pri swin, kli ai albika nani ra ai warkka takbia wiras kan.

Jirimaya 34:8

Dawan Jirimaya ra aisin, Sedequías Jerusalem uplika nani sut aikuki, alba nani ba pri sakaia wisi aisin ba ningkara.

Isikiel 46:17

Sakuna tâ bri ba ai tasbaya pîs kum ai albika kum ra yabia kaka, witin ai dukia kabia pri takaia manka alkbia ba kat, baku kli tâ bri ba dukia takbia bara ai luhpia nani dukia kabia sin.

Libait Lâka 25:11

Mani 50 ba pri sakaia lâka daukaia manka; baha manka ra man nani insla daukaia apia, plawar mangkras kan silp pâwi nani ba dâkaia apia, wain mâ nani wahbaia apia, dauhbaia sin apia,

Libait Lâka 25:13

“Naha manka na sika pri mai sakan manka, man nani sut kli tasbayam ra bal karnikam alkaia.

Libait Lâka 25:41

Bara witin, ai luhpia nani sut wamtla wina taki kli ai taya nani tilara wabia bara ai damika nani tasbaya bribia.

Libait Lâka 25:54

“Naha lâka nani dauki uplika nani ba pri sakan lâka yaras kabia kaka, pri swiaia manka ba alkbia taim, pri swibia witin ai luhpia nani sut aikuki,

Luk 1:74

witin wan waihla nani wina swaki wan sâkbia, bara sibrin âpu kira yawan ai dukia daukbia,

2 Korint 3:17

Bara Dawan lika Spirit sika; bamna anira Dawan Spiritka bâra sa kaka, bahara lika pri lâka bâra sa.

Galesha 4:25

Bamna Agar tânka ba wan marikisa, Sainai ilka Arabia ra bâra ba dukiara, bara naha wan marikisa naiwa yua Jerusalemka ba dukiara; bara naha tawanka lika ai luhpia nani aikuki alba nani takan sa.

Galesha 5:13

Man nani, muihki nani, mai paiwan sa pri lâka bri kaia. Kuna naha pri lâka brisma wisi, wînam brinka nani nina blîkpara. Sakuna, pana pana dukia dadaukra nani bas, latwan lâka aikuki brisma ba tânka kat.

1 Pita 2:16

Upla pri nani baku iwi bas; kuna pri lâmka ba wal saura lâka pura prakaia lika yus munpara. Sakuna Gâd napakanka nani baku iwi bas.