Libait Lâka 23:6 - DAWAN BÎLA AISKA

⁶ “Bara yua 15 ba, brit îs âpu daukaia yua tara ba liliaka daukan kabia, Dawan ra pain kulkaia dukiara, yu 7 brit îs âpu dauki pi kabia.

Libait Lâka 23:6 ပူးပေါင်းရင်းမြစ်များ

Impakan Sturka 12:14

Baha yua ba man nani kupiam kraukaia yua kum kabia, ban kaia ra. Naha yua, piu aula bani, man nani bui yang ra lilia tara dauki aiki kama, bara lâ kum luhpiam nani ra sin smalki kama ban kaia ra.

Impakan Sturka 23:15

Brit îs âpu dauki yua ba, lilia dauki kaia sma, dîa daukaia yang mai wîri ba kat, baha yua nani ba wik kum ba brit îs âpu pi kaia sma. Baha yua tara ba sika Abib katka ba, baha katka ra sika man nani Idsip tasbaya wina takram ba, bara upla kumi sin ai mihta bîla baman yang ra bal ai kaikaia apia sa, sut diara kum bri balaia sa.

Impakan Sturka 34:18

“Brit îs mangkras dauki yua liliaka ba dauki bas, dîa daukaia mai wîri ba kat, wik kum brit îs âpu dauki pi bas. Abib katka yua mangki maikri ba kat, man nani Abib katka ra sika Idsip wina taki balram ba.

Kli Smalkanka 16:3

“Daiwan sakripais daukan ba, man nani wik kum brit îs mangkras wal pi bas, baha ba pât wahwan britka sika, kan isti pali Idsip wina takaia kapram, baku man nani rayakam aiska ra Idsip wina takram ba dukiara kupiam krawi kabia.

Kli Smalkanka 16:8

Yu 6 ba man nani brit îs âpu pi kama, bara yua 7 ba asla aidrubaia yua bâk sâkma, Dawan Gâdkam ra mayunra yabaia; baha yua ra wark kumi sin daukaia apia sma.