Libait Lâka 23:3 - DAWAN BÎLA AISKA

³ “Man nani yu 6 wark taki bas, sakuna yu 7 yua ba wark sâtka kumi sin daukma apia; baha yua ba ris yua bâk sakan bamna, holi man nani aidrubi asla takaia sma. Ani anira iwi kama kra, baha yua ba holikira Dawan ra baman kulkanka yabaia yua sa.

Libait Lâka 23:3 ပူးပေါင်းရင်းမြစ်များ

Impakan Sturka 16:23

Moses pana witin nani ra win: —Baha sika Dawan mita win baku daukaia. Yauhka ba sabat, Dawan ra luki ris briaia yua, bamna piakaia, dukaia, angkaia, pata nani ba sut naiwa piaki, angki, duki briaia sma. Bara baha wina yauhka piaia pata ba suni swis.

Impakan Sturka 16:29

Naha luki kaiks yang Dawan, man nani ra ris yua kum maikri; baha mita yu matlalkahbi yua ra, yu wâl piaia pata ba maikisna. Baha mita yu matlalkahbi pura kumi yua ba man nani kumi bani wamtla ra kaia, wamtla wina takaia apia.

Impakan Sturka 16:30

Bara upla nani ba yu 7 alkan ba ra wark takras takaskan.

Impakan Sturka 23:12

“Yu nani 6 ba bilara dîa warkka nani daukaia sma ba sut dauks, sakuna yua 7 ba aimakbia ba ra, ris bri bas, bîpkam wainhka nani, birikukam nani sin ris bribia, bara tringsar nani, albikam nani sin kli ai karnika briaia ba mata baku dauks.

Impakan Sturka 34:21

“Yu matlalkahbi warkkam takma, sakuna yu 7 ra lika wark takma apia, ris brima, insla mangkaia apia, baku sin insla dâkaia piua kabia sin, diara daukpara.

Aiseya 56:2

Lilia pali sa baha uplika naha adarka nani nina bliki ba, kasak luki kira baha nani sut daukisa, ris yua ba kulkanka yabisa. Witin aman kaikisa saura ba daukaia apia.”

Aiseya 56:6

Bara tringsar nani yang ra aiki nani ba, duki daukaia bara latwan kaikaia, bara duki dadaukra kabia, ris yua ba kulkbia bara tâski daukras kabia bara sin pain bapi bri kabia, yang lâika daukri ba,

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Libait Lâka 19:3

“Man nani kumi bani papikam bara yaptikam pain kulki kama, “Ris briaia yui nani ba sin kulki kama. Yang sika man nani Dawan Gâdkam.

Luk 13:14

Sakuna Ju nani priaska watla wihtka ba ai kupia baikan, ris yua ra Jisas mita mairin ba rakan bamna; bara upla nani ra win: —Yu 6 bâra sa upla nani wark takaia; baha piua nani ra balaia sma rawaia want kaka, sakuna ris yua ra lika apia.

Luk 23:56

Ai watla ra kli tawi balan ba ra, isint kîa pain nani bara batana nani sin ridi daukan. Ris briaia lâka ulban ba kat mairin nani ba baku daukan,

Apastil Nani Sturka 15:21

Bamna patitara piua ba wina tawan bani ra upla bâra sa, Moses lâka ba dukiara smalkisa, bara saba yua bani ra sin Ju nani priaska watla nani ra aisi kaikisa.

Param Marikanka 1:10

Bara Dawan yua kumi ra, Spirit Holikira mita ai karnika munhtara ai brisata, bara nini tani ra bîla baikra tara kum walri, sim trumpit binka baku,