Libait Lâka 23:27 - DAWAN BÎLA AISKA

²⁷ “Kati 7 yua matawalsip ba, pâtka swih tikaia yua kabia. Aidrubanka yua lilia holikira dauki kama, baha yua plun piras kabia, prisant ba angkan kabia, Dawan ra pain kulkanka yabia.

Libait Lâka 23:27 ပူးပေါင်းရင်းမြစ်များ

Esdras 8:21

Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Lawana Nani 35:13

witin nani siknis kan, yang ai sarka briri, sari prâka dimi bara plun piras kapri, bara yang kupi ra puri sunisna ba swiras kapri.

Impakan Sturka 30:10

Altarka na Dawan baman altarka kaia, aihka sakan kabia. Mani kumi bilka ra aima kumi, Eran mita baha aringka nani ra, sakripais daukan tâlia ba laiki, pura sunra bri balbia, saura daukan nani ba ban swih tikaia, bara saurka swin tikan lâka ba alkaia.”

Aiseya 58:5

¿Man nani lukisma kaiki plun wahwaia sari takisma ba, baha yang yamni kaikisna, lamla makupisma ba snati lapatwan baku, yamhpus tasba ra yakabi kwala siksa dimi baha purara aitnikisma ba? Baha ba man nani wisma: ‘¿Kaiki plun wahwisma ba tânka’, bara baha yua ba yang yamni kaikisna?

Libait Lâka 16:11

“Bîp wainhka ba lika Eran ai saurka sakripaiska baku daukbia, ai pâtka swih tikan lâka briaia, ai kiamka nani saurka sin swih tikaia.

Libait Lâka 16:15

Baha ningkara, sîp ba ikbia upla nani saura daukan ba mana, bara tâlia ba kwala kutban ba bilara brih wabia, bahara lâ watla pura prakaika ba bilara bara lata tani ra srikbia, bîp wainhka tâlia ni daukan ba baku daukbia.

Libait Lâka 16:16

Baku natka ra baman, holi pliska ba klin daukan kabia, Dawan mapara buan saurka ba wina, Israel saurka daukan ba wina sin, holi pliska ra dimaika ba wina, witin nani saura daukan tâskika ai tilara bâra ba wina sin.

Libait Lâka 16:24

Baha wina witin klin takaia pliska ra dimi aihtabi taki, bara ai prâka wala pain klin ba dimi bal taki, bara witin sunu takaia ai sakripaiska ba daiwan aiska angkbia, upla nani saurka mata sin. Baku pâtka swin tikan lâka witin nani sut bribia.

Libait Lâka 23:26

Dawan ba Moses ra aisi, naku win:

Libait Lâka 23:28

Baha yua ra wark wala kumi sin daukbia apia, kan yua ba pâtka swi tikaia yua bamna, man nani pâtkam swih tikan lâka brima Dawan wina.

Libait Lâka 25:9

bara kati 7 yua matawalsip ba, baha yua sika upla pâtka nani ba sut swih tikaia yua. Baha yua trumpit nani, sîp wainhka aringka ni paskan ba, puhbia Israel tasbaya aiska ra.

Sakaraya 12:10

“Kupia yamni ai pura suni kaia spiritka wal, Debit kiamka nani ba Jerusalem ra iwi uplika nani ba banhkamni. Bara baha nani witin ra saban ba kat kaikbia, bara witin pura mata sari pali ini banhbia, luhpia waitna kumi baman kan, apia kaka tawahkia kan sarka ini ba baku.

Apastil Nani Sturka 27:9

Bahara yang nani piua wihka pali tikri, ba kat sin kabuk impakaia piua ba saura takan kan, lî auhan piua ba pat baila kan bamna. Baha mita Pal bui baha nani ra kupia krauki,

Jems 4:9

Man nani sari taks, ini yahwi bas; kikisma ba yarka inan lâka ra tawbia, lilia lâka ba sari ra tawbia.